ބައެއް މުސްލިމުން އިސްލާމް ދީނާ ބީރައްޓެހި ފިކުރުތަކުގެ ޝިކާރައަކަށްވަނީ ކީރިތި ގުރުއާން އެމީހުންގެ ހިތްތަކުގައި އަށަގެންފައިނުވާތީ ކަމަށް މިއަދުގެ ހުކުރު ޚުތުބާގައި ބުނެފިއެވެ.

''ކީރިތި ގުރުއާނަށް ހުރުމަތްތެރިކޮށް ހިތުން'' މިމައުޟޫއަށް ރާއްޖޭގެ އެކިކޮންކޮޅުތަކަށް އިއްވި ޚުތުބާގައި ބުނީ މިއަދު ބައެއް މުސްލިމުން އިސްލާމް ދީނާ ބީރައްޓެހި ފިކުރުތަކުގެ ޝިކާރައަކަށްވަނީ ޅަފަތުގައި ކީރިތި ގުރުއާނަށް އަހުލުވެރިކުރުވައި އެފޮތަށް އިހްތިރާމް ކުރަން ދަސްކޮށްދެވިފައި ނެތުމުން ކަމަށެވެ.

އަދި ގުރުއާނުން މިންވަރެއް ހިތު ތެރޭގައި ނުވާ މީހަކު ހެޔޮ މަގުން އެއްކިބާވެގެން ހިނގާދާނެ ކަމަށް ޚުތުބާގައި ބުންޏެވެ.

ޚުތުބާގައި ބުނީ މިއަދު އަޅުގަނޑުމެން އެމަތިވެރި އިލާހީ ކަލާމްފުޅާ ދުރަށް ގޮސް އެފޮތަށް ފުރަގަސްދީ އޭގައިވާ ހުކުމްތަކާ ހިލާފުވެފައިވާ ކަމަށެވެ. އަދި މިއަދު އެފޮތް ތިލާވަތު ކުރުމާއި އެފޮތަށް އަމަލުކުރުން އުނދަގޫ ކަމަކަށް ވެފައިވާ ކަމަށެވެ. އޭގެ ސަބަބުން އަޅުގަނޑުމެން ވަނީ ދީނާ ދުރުވެ އެހެން މީހުންގެ ކުރިމަތީގައި ނިކަމެތިވެފައިވާ ކަމަށެވެ.

ޚުތުބާގައި ބުނީ މުސްލިމުންގެ މުޅި އަމަލީ ހަޔާތް ކީރިތި ގުރުއާނާ އެއްގޮތަށް ބައްޓަންކުރަންޖެހޭ ކަމަށާއި، ގުރުއާނަކީ މުސްލިމުންގެ ހިތާއި ފުރާއާ ޟަމީރުގެ ކާނާ ކަމަށެވެ. އެފޮތް ކިޔަވައި ތިލާވަތު ކުރާ މީހާގެ ހިތަށް ދިރުން ލިބި ހިތްހަމަ ޖެހުމާއި އުފާވެރިކަން ހާސިލްވާނެ ކަމަށް ޚުތުބާގައި ބުންޏެވެ.

މިއަދު ބައެއް މުސްލިމުން އިސްލާމް ދީނާ ބީރައްޓެހި ފިކުރުތަކުގެ ޝިކާރައަކަށް ވުމުގެ ސަބަބަކީ އެބައިމީހުންގެ ހިތްތަކުގައި ކީރިތި ގުރުއާން އަށަގެންފައި ނުވުމުގެ ނަތީޖާއެވެ. ޅަފަތުގައި ކީރިތި ގުރުއާނަށް އަހުލުވެރިކުރުވައި އެފޮތަށް އިހްތިރާމް ކުރަން ދަސްކޮށްދެވިފައި ނެތުމެވެ. ގުރުއާނުން މިންވަރެއް ހިތު ތެރޭގައި ނުވާ މީހަކު ހެޔޮ މަގުން އެއްކިބާވެގެން ހިނގާދާނެކަން

ޚުތުބާގައި ބުނީ މާތް ﷲއަށްށާއި އާހިރަތް ދުވަހުގެ އަޒާބަށް ބިރުވެތިވާ މީހާ ކީރިތި ގުރުއާނަށް އިހާނެތިކޮށް ހިތުން ފަދަ އަމަލުތައް ކުރުމަށް ޖެހިލުންވާނ ކަމަށާއި، ކީރިތި ގުރުއާނަށް ކަމޭހިތައި އިހްތިރާމް ކުރުމަކީ އިމާންކަމާ ގުޅިފައިވާ ކަމެއް ކަމަށެވެ.

ޚުތުބާގައި ބުނީ ކީރިތި ގުރުއާނަކީ ހައްގާއި ބާތިލް ވަކިކުރަނިވި ފޮތް ކަމަށާއި، ބޮޑާ ކަމާއި ކިބުރުވެރިކަމާ ހުރެ އެފޮތަށް އަމަލުނުކޮށްފި މީހާ ﷲ ނިކަމެތި ކުރައްވައި ހަލާކު ކުރައްވާނެ ކަމަށެވެ. އަދި އެފޮތް ދޫކޮށްލައި ތެދުމަގު ހޯދަން އުޅެފިމީހާ މަގު ފުރެދިގެން ދާނެ ކަމަށާއި، ކީރިތި ގުރުއާނަކީ ﷲ އާ ކުއްތަން ކުރުވަނިވި ގަދަފަދަ ވަސީލަތެއް ކަމަށެވެ.