މަލްޓި ޔޫތް އެސޯސިއޭޝަން އޮފް ތުލުސްދޫ އިން އިސްނަގައިގެން ތުލުސްދޫގައި އެންމެ ބޮޑު ފުޓްސެލް މުބާރާތް މިޔަޓް ފުޓްސެލް ފިއެސްޓާ ޑިސެމްބަރު މަހު ފަށަން ނިންމައިފިއެވެ.

މަލްޓި ޔޫތް އެސޯސިއޭޝަން އޮފް ތުލުސްދޫއިން ބުނީ ތުލުސްދޫގައި ބޭއްވޭ މި މުބާރާތަކީ ތުލުސްދޫ ދާއިރާގެ ހިމެނޭ ރަށްތައް ކަމަށްވާ ތުލުސްދޫ، ހިންމަފުށި، ހުރާ ދިއްފުށި އަދި މި ދާއިރާގެ ރިސޯޓްތަކަށް ހުޅުވައިލައިގެން ބޭއްވޭ މުބާރާތެއް ކަމަށެވެ.

މުބާރާތް ކުރިޔަށްދާނީ ޑިސެމްބަރު 5 ކުން ޑިސެމްބަރު 13 ގެ ނިޔަލަށް ކަމަށް މަލްޓި ޔޫތް އެސޯސިއޭޝަން އޮފް ތުލުސްދޫއިން ބުނެއެވެ. އަދި މި މުބާރާތަކީ މަޝްހޫރު ފުޓްސެލް ކުޅުންތެރިން ކުޅެމުންއަންނަ މުބާރާތެކެވެ.

މި މުބާރާތުގައި 12 ޓީމަކުން ވާދަކުރާއިރު އެއްވަނަ އަށްދާ ޓީމަކަށް 25،000 (ފަންސަވީސް ހާސް) ރުފިޔާ ލިބޭއިރު ދެވަނަ އަށް ދާޓީމަކަށް 10،000 (ދިހަ ހާސް) ރުފިޔާ ލިބޭނެއެވެ.

މިއަހަރު ބޭއްވޭ ފުޓްސެލް މުބާރާތަކީ މިދިޔަ އަހަރުތަކުގައި ބޭއްވޭ މުބާރާތްތަކަށް ވުރެ އެތަށް ގުނައެއް ވަރުގަދަ އަދި ބޮޑު މުބާރާތެއް ކަމަށް މަލްޓި ޔޫތް އެސޯސިއޭޝަން އޮފް ތުލުސްދޫއިން ބުނެއެވެ.