މާލޭގައި ހުރި ކެމިކަލް ގުދަންތައް ތިލަފުއްޓަށް ބަދަލުކުރުމަށް، އެ ރަށުގައި ހަދާ ގުދަންތަކުގެ މަސައްކަތް 9.5 މިލިއަން ރުފިޔާއަށް އެސްޖޭ ކޮންސްޓްރަކްޝަނާއި ހަވާލުކޮށްފިއެވެ.

ގްރޭޓާ މާލޭ އިންޑަސްޓްރިއަލް ޒޯން ލިމިޓެޑް (ޖީއެމްއައިޒެޑް) އިން އެސްޖޭއާއި މި މަސައްކަތް ހަވާލުކުރީ މިދިޔަ ހަފްތާގައެވެ. އެސްޖޭ ކުންފުނިން ބުނީ މާލޭގައި ގުދަންކޮށްފައިހުރި ކެމިކަލް ގުދަންތައް ތިލަފުއްޓަށް ބަދަލުކުމަށްޓަކައި، ގާއިމްކުރާ ވެއަރ ހައުސް ފެސިލިޓީގެ އަމަލީ މަސައްކަތް ފަށާފައިވާ ކަމަށާއި، މޫސުން ތަންދޭނަމަ 30 ދުވަސްތެރޭގައި މަސައްކަތް ނިންމާލެވޭނެ ކަމަށެވެ.

ގްރޭޓާ މާލެ އިންޑަސްޓްރިއަލް ޒޯން ލިމިޓެޑުން އެސްޖޭއަށް މި މަސައްކަތް ހަވާލުކުރީ 35 ދުވަހުން މަސައްކަތް ނިންމާ ގޮތަށެވެ. މި ޕްރޮޖެކްޓްގެ ދަށުން 34 ކެމިކަލް ގުދަނެއް ހަދަން ހަވާލުކޮށްފައިވެއެވެ. މީގެ ތެރޭގައި ހިމެނެނީ 17 ކުދި ގުދަނާއި 17 ބޮޑު ގުދަނެވެ.

ޖީއެމްއައިޒެޑުން ބުނީ ތިލަފުށީގައި ހަދާ ކެމިކަލް ގުދަންތަކުގެ ތެރެއިން ބޮޑު ގުދަނެއްގައި 1000 އަކަ ފޫޓާއި 800 އަކަމީޓަރު ހުންނާނެ ކަމަށާއި، ކުޑަ ގުދަނެއްގައި 800 އަކަމީޓަރު ހުންނާނެ ކަމަށެވެ.

މާލޭގައި ހުރި ކެމިކަލް ގުދަންތައް ތިލަފުއްޓަށް ބަދަލުކު ކުރަން ނިންމީ ހ.ތިލަފުށީ ގޭގައި ހުރި ކެމިކަލް ގުދަނެއްގައި ހިނގި އަލިފާނުގެ ހާދިސާއާއި ގުޅިގެން ޖެހިގެން ހުރި ތިން ގުދަނަކާއި 6 ގެއެއްގައި އަލިފާން ރޯވެ ބޮޑެތި ގެއްލުންތަކެއް ލިބުމާއި ގުޅިގެންނެވެ. މި ހާދިސާގައި އެކަކު މަރުވެ 400 އަށްވުރެ ގިނަ މީހުންގެ ގެދޮރު ގެއްލުނެވެ.