އަޖޭ ދޭވްގަން ޕްރޮޑިއުސްކުރާ ފިލްމު ''ދަ ބިގް ބުލް'' އާއި އަބީޝެކް ބައްޗަން ގުޅި ފިލްމުގެ ޝޫޓީން ހޯމަ ދުވަހު ފަށައިފިއެވެ.
ފިލްމުގެ ލީޑްރޯލް ގައި ހަރަކާތްތެރިވާނީ ކޮން ތަރިއެއް ކަމެއް އޭރު ނުބުނެއެވެ. އެކަމަކު ހޯމަ ދުވަހު އަބީޝޭކް ވަނީ އެ ފިލްމާއި ގުޅި ޝޫޓިން ފަށާފައިވާ ކަމަށް އިންސްޓަގްރާމްގައި ކޮށްފައިވާ ޕޯސްޓެއްގައި ބުނެފައެވެ. މުމްބާއީ މިރާ އިން ރިޕޯޓްކުރާ ގޮތުން އެ ފިލްމުގައި އަންހެން ރޯލުން ފެނިގެންދާނީ އިލީނާ ޑި ކްރޫޒް ކަމަށެވެ.
މި ފިލްމުގެ ވެގެންދާނީ ހެއްވާ މަޖާ ފިލްމު ''ބޯލް ބައްޗަން'' އަށް އަބީޝޭކް އާއި އަކްޝޭ އެކުގައި މަސައްކަތް ކުރާ ދެވަނަ ފިލްމަށެވެ.
އަޖޭ ދޭވްގަން ޕްރޮޑިއުސް ކުރާ ފިލްމެއް ކުކީ ގުލާޓީ ޑައިރެކްޓް ކުރަން ހަމަޖެހިފައިވާ ކަމަށް މީގެ ކުރިން ވަނީ ރިޕޯޓްކޮށްފައެވެ. މި ފިލްމަކީ ގުލާޓީ ޑައިރެކްޓަރގެ ތިން ވަނަ ފިލްމެވެ. ރިޕޯޓްތައް ބުނާގޮތުން އެ ފިލްމަކީ ފައިސާ އަށް ހިޔާނަތްތެރިވެފައިވާ މަޝްހޫރު ސްޓޮކް ބްރޯކަރު ހަރްޝަދް މެހެތާގެ ހަޔާތުގެ މައްޗަށް ބިނާކޮށް ހަދާފައިވާ ފިލްމެކެވެ.
