މިނިސްޓަރ މަލީހް ޖަމާލް، ތައިލެނޑްގެ ޔުނިވަރސިޓީއަކާ އެކު އެއްބަސްވުމެއްގައި ސޮއިކޮށްފި އެވެ.
މިނިސްޓްރީ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީ އިން ހޮނިހިރު ދުވަހު ކޮށްފައިވާ ޓުވީޓެއްގައި ވަނީ މިނިސްޓަރ މަލީހް، ތައިލެންޑްގެ އެސަމްޕްޝަން ޔުނިވަރސިޓީއާ އެކު އެއްބަސްވުމެއްގައި ސޮއިކޮށްފައިވާ ކަމަށެވެ.
ޓުވީޓުގައި އިތުރަށް ބުނެފައިވަނީ މި އެއްބަސްވުމުގެ ދަށުން ރާއްޖޭގެ އިންފޯމޭޝަން އެންޑް ކޮމިއުނިކޭޝަން ޓެކްނޮލޮޖީ އިތުރަށް ތަރައްގީ ކުރުމުގެ މަސައްކަތް ކުރާނެކަމުގައެވެ.
މީގެ ކުރިން މިނިސްޓަރ މަލީހް ވަނީ އައިސީޓީ ދާއިރާއިން ރާއްޖެ އިތުރު ތަރައްގީ ކުރުމަށް ސަރުކާރުން މަސައްކަތަކެއް ފަށާފައިވާ ކަމަށާ އަސާސީ ހިދުމަތެއްގެ ގޮތުގައި އިންޓަރނެޓް ފޯރުކޮށްދެއްވުމަކީ ސަރުކާރުގެ އަމާޒެއް ކަމަށް ވިދާޅުވެފއެވެ.
