މާލޭގެ ގެެއެއްގެ 8 ވަނަ ބުރީގެ ބެލްކަނީގައި ހުރި ފިލާގަނޑެެއް ބޮލަށް ވެއްޓި މީހަކަށް އަނިޔާތަކެއް ލިބިއްޖެ އެވެ.

ފުލުހުން ބުނީ މާފަންނު ގެއެއްގެ ބެލްކަނިން ވެއްޓުނު ފިލާގަނޑަކުންޖެހި މީހެއްގެ ބޮލަށް އަނިޔާވެގެން ރިޕޯޓް ކޮށްފައިވަނީ ހުކުރު ދުވަހުގެ ހެނދުނު 10:03 ހާއިރު ކަމަށެވެ.

މި ހާދިސާއާއި ގުޅިގެން އެމީހާ އައިޖީއެމްއެޗަށް ގެންގޮސް ފަރުވާ ދެމުންދާކަމަށް ފުލުހުން ބުންޏެވެ. ފުލުހުން ބުނީ މި މައްސަލައާއި ގުޅިގެން ފުލުހުން ބަލަން ޖެހޭ ކަންކަން ބަލަމުންދާ ކަމަށް ފުލުހުން ބުންޏެވެ.

ފަހަކަށް އައިސް ގޭގެއިން އެއްޗެހި ވެއްޓި މީހުންނަށް އަނިޔާވުމުގެ ހާދިސާތައް ވަނީ ހިނގާފައެވެ.