ރާއްޖެއަށް މިހާރު ކުރަމުންދާ ވިއްސާރައިގެ ސަބަބުން ގައުމީ އެއާލައިނުން ހދ. ހަނިމާދު އަށް މިއަދު ޝެޑިއުލްކޮށްފައިވާ ދަތުރުތައް ކެންސަލް ކުރުމަށް ފަހު އަލުން ފަށައިފިއެވެ.

މޯލްޑިވިއަނުން ކޮށްފައިވާ ޓްވީޓެއްގައި ބުނެފައިވަނީ، މިހާރު ކުރަމުންދާ ވިއްސާރައާއި ގުޅިގެން ހަނިމާދުއަށް ކުރަން ހަމަޖެހިފައިވާ ދަތުރުތައް ފަސްކޮށްފައިވާ ކަަމަށެވެ.

އެހެން ނަމަވެސް އޭގެ ފަހުން މޯލްޑިވިއަނުން ބުނެފައިވަނީ ހަނިމާދޫ ދަތުރުތައް މޫސުން ތަންނުދޭތީ މެދުކަނޑާލުމަށްފަހު އަލުން ދަތުރުތައް ފަށާފައިވާ ކަމަށެވެ.

ވިއްސާރަވުމުގެ ސަބަބުން މޯލްޑިވިއަނުން ހަނިމާދޫ އަށް ކުރާ ދަތުރުތައް އަލުން ފަށާފައިވާއިރު ބުރާސްފަތި ދުވަހު ހދ ނޮޅިވަރަންފަރުން ފުރައިގެން ހދ ހަނިމާދޫއަށް ދަތުރުކުރި ކުޑަ ލޯންޗެއްބަނޑުންވެ އާއިލާއަކަށް ނިސްބަތްވާ 5 މީހަކު ވަނީ މަރުވެފައެވެ.