އައްޑޫ ސިޓީ މަރަދޫގައި އަނިޔާކޮށް އެއްލާލާފައި އޮތް މީހަކު ފެނިއްޖެއެވެ.
ފުލުހުން ބުނީ އަންގާރަ ދުވަހުގެ 3:30 ހާއިރު މަރަދޫ ފުއްޓަރު ފަރާތުން ޒަހަމްތަކާއެކު މީހަކު ފެނިފައިވާ ކަމަށާއި، އެމީހާއަށް ހިތަދޫ ރީޖަނަލް ހޮސްޕިޓަލުން ފަރުވާ ދެމުން އަންނަ ކަމަށެވެ.
ނަމަވެސް އެ މީހާއަށް ލިބިފައިވާ ޒަހަމްތަކުގެ ތަފްސީލެއް ފުލުހުން ހާމައެއްނުކުރެވެ.
މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރު ކޮށްފައެއް ނުވާއިރު، އެމީހާއަށް ބަޔަކު އަނިޔާކޮށްފައިވާ ކަމަށް އެރަށުގެ ބައެއް މީހުންބުނެއެވެ. އަދި މާރާމާރި ހިންގީ ވައްކަމުގެ މައްސަލައެއްގައި ކަމަށް ވެސް މައުލޫމާތުލިބެއެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
