ރާއްޖެއިން ޗައިނާއަށް ކަނޑައަޅާފައިވާ ސަފީރުގެ ސަފީރުކަމުގެ ފަތްކޮޅު ރަސްމީކޮށް އަރުވައިފިއެވެ.
ހޯމަ ދުވަހު މިނިސްޓްރީ އޮފް ފޮރިން އެފެއާޒުން ކުރި ޓްވީޓެއްގައި ބުނީ، ރާއްޖެއިން ޗައިނާއަށް ކަނޑައަޅާފައިވާ ސަފީރު އައިޝަތު އަޒީމާގެ ސަފީރުކަމުގެ ފަތްކޮޅު ޗައިނާގެ ފޮރިން މިނިސްޓްރީގެ ފޮރިން މިޝަންގެ ޑައިރެކްޓަރ އަދި ޕްރޮޓޮކޯލް ޑިޕާރޓްމަންޓުގެ ޑިރެކްޓަރ މިސްޓަރ ވާންގް ލޫތޮންގ އަށް އަރުވާފައިވާ ކަމަށެވެ.
Newly appointed Ambassador of the Maldives to China, H.E. Ms Aishath Azeema presents the copy of her Credentials to Mr. Wang Lutong, DDG of the Protocol Department and Director of the Office of Foreign Missions of the Ministry of Foreign Affairs of China. @MDVForeign pic.twitter.com/YVy2rQe4xg
— MaldivesInChina (@MdvEmbassy_Beij) August 19, 2019
ޗައިނާގެ ސަފީރަކަށް އައިޝަތު އަޒީމާ އައްޔަން ކުރެއްވުމާ މެދު ގޮތެއް ނިންމުމަށް މަޖިލީހުގެ ޤައުމީ ސަލާމަތުގެ ކޮމިޓީއަށް ފޮނުވީ މިދިޔަ އަހަރުގެ ޑިސެމްބަރު މަހުގެ ތެރޭގައެވެ.
ގިނަ ޤައުމުތަކާއެކު ޚާރިޖީ ގުޅުން ވަރުގަދަ ކުރުމުގެ މަސައްކަތް މި ސަރުކާރުން ކުރަމުންދާއިރު، އެކި ޤައުމުތަކުގައި ހުރި ދިވެހިރާއްޖޭގެ އެމްބަސީތަކަށް ދިމާވާ އެކި ގޮންޖެހުންތަކާއި، އެގޮންޖެހުންތަކުން އަރައިގަތުމުގެ ޙައްލުތަކާއި ބެހޭ ގޮތުން ފޮރިން މިނިސްޓްރީން ދަނީ މަޝްވަރާތައް ކުރަމުންނެވެ.
