ޓެކްސީގެ ދަތުރުގެ ހިދުމަތް 1 އޮގަސްޓުން ފެށިގެން މޯބައިލް އެޕްލިކޭޝަން މެދުވެރިކޮށް ފޯރުކޮށްދިނުމަށް މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނުން ތިން ފަރާތަކަށް ދީފިއެވެ.
ޓްރާންސްޕޯޓް މިނިސްޓްރީން ތިން ފަރާތަކަށް މި ހިދުމަތް ދިނުމަށް ހުއްދަ ދީފައިވާއިރު، އެ ތިން ފަރާތަކީ އަވަސް ރައިޑް، އެ އައީ އަދި ޕިކްމީއެވެ.
މިނިސްޓަރ އޮފް ޓްރާންސްޕޯޓް އޮތޮރިޓީ އެންޑް ސިވިލް އޭވިއޭޝަން އައިޝަތު ނަހުލާ ވިދާޅުވީ ރައީސް އިބްރާހިމް މުހައްމަދު ސޯލިހު ސަރުކާރާ ހަވާލުވީއިރު ވަރަށް ގިނަ ރައްޔިތުންގެ ޝަކުވާއަށް ވެފަ އޮތީ ޓެކްސީ ނުލިބޭ މައްސަލައާއި އަދި ޓެކްސީގެ އަގުތައް ބޮޑުކަމަށެވެ.
ރައްޔިތުންގެ ޝަކުވާތަކަށް ހެޔޮ ބަދަލެއް ގެނައުމުގެ ގޮތުން ޓެކްސީ ސެންޓަރުތަކާއި ޓެކްސީ ޑްރައިވަރުންނާއި އަދި އާންމު ރައްޔިތުންގެ އަޑު އަހާ ކުރެވުނު މަޝްވަރާތަކަށްފަހު އަޅުގަނޑުމެންގެ މި ބަދަލު މިގެނައި ހުރިހާ ފަރާތްތަކަށްވެސް ފައިދާވާނެ ގޮތަކަށް ބެލުމަށްފަހު، އަދި މިކަމުގެ ފަސޭހަ ހުރިހާ ފަރާތްތަކަށްވެސް ލިބިގެންދާނެ ކަމަށް އަޅުގަނޑު އުންމީދު ކުރަންމިނިސްޓަރ އޮފް ޓްރާންސްޕޯޓް އޮތޮރިޓީ އެންޑް ސިވިލް އޭވިއޭޝަން އައިޝަތު ނަހުލާ
ޓެކްސީ އަގަށް ގެނެވުނު ބަދަލުތަކުގެ ތެރޭގައި މާލެއިން ހުޅުލެއަށް، ހުޅުލެ އިން މާލެއަށް، ހުޅުމާލެ އިން ހުޅުލެ އަށް އަދި ހުޅުލެ އިން ހުޅުމާލެ އަށް ކުރެވޭ ދަތުރެއްގެ އަގު 60 ރުފިޔާއަށް ކަނޑައެޅިފައިވާއިރު މާލެއިން ހުޅުމާލެއަށް އަދި ހުޅުމާލެއިން މާލެއަށް ކުރެވޭ ދަތުރެއްގެ ގޮތުގައި ކަނޑައެޅިފައިވަނީ 75 ރުފިޔާއެވެ.
ޓެކްސީ އެޕްލިކޭޝަން މެދުވެރިކޮށް އާންމު ފަރާތްތަކަށްވެސް ޕްރައިވެޓް ހަޔަރ ގެ ގޮތުގައި ޓްރާންސްޕޯޓް އޮތޯރިޓީން ކަނޑައެޅިފައިވާ ގަވާއިދުތަކާއި އެއްގޮތަކަށް ހިދުމަތް ދިނުމަށްވެސް ވަނީ ނިންމަވާފައެވެ.
