ޙޖ

ޚިދުުމަތުގެ އަގު ކަނޑަ އަޅާނީ ޚިދުމަތް ދޭ ފަރާތުންްނެވެ. ‎މިހާރަކަށް އައިސް އެންމެ އަޑުހަރުކޮށް އިވެމުން ދާ އެއް ވާހަކަ އަކީ ޓެކްސީ ‎ ކުރާނެ އަގުތަކެއް ޓްރާންސްޕޯރޓް މިނިސްޓްރީން ކަނޑައެޅުމާއި ގުޅިގެން ޓެކްސީ ޑްރައިވަރުން ރަތަށް އެރި ވާހަކައެވެ. ތިޔަ ބޭފުޅުންގެ ޚިޔާލު މި ކަމުގައި ތަފާތު ވެދާނެއެވެ. އެއްވެސް ކޮޅަކަށް ބަރޯސާނުވެ މިނިވަން ސިކުނޑިއަކުން ވިސްނައިފި ނަމަ ހަގީގަތުގައި ޑްރައިވަރުން ނަށް ރުޅި އައުމުގެ ހައްގު އޮތް ކަމުގައި އަޅުގަނޑު ޤަބޫލު ކުރަމެވެ. ‎އެއް ގޮތަކުން ބަލާ ނަމަ މީހަކު ދުނިޔޭގައި ދިރި އުޅުމަށްޓަކައި އާމްދަނީ ހޯދުމަށް ކުރާ މަސައްކަތުން ނެގެން ވާނީ ކިހާ މިންވަރެއް ކަން އެހެން މީހަކު ކަނޑަ އެޅުމަކީ ވަރަށް ތާކުން ތާކު ނުޖެހޭ އުސޫލެކެވެ. އަމިއްލަ ފަރުދަކު ނުވަތަ ކުންފުޏަކުން ފޯރު ކޮށް ދޭ ޚިތުމަތުގެ އަގު ކަނޑައަޅާނީ އެމީހެކެވެ. ނުވަތަ އެ ކުންފުންޏެވެ. އެންމެ ރަނގަޅެވެ. ދެވޭ ޚިދުމަތުގެ އަގުމިގޮތަށް ގަދަ ބާރުން ކަނޑައަޅާ މަޖުބޫރު ކުރާ ނަމަ އެކަން މަޖު ބޫރު ކުރަން ޖެހެނީ ހަމަ އެކަނި މާލޭގައި ޓެކްސި ކުރާ ނިކަމެތި ޑްރައިވަރުންނަށް އެކަނި ހެއްޔެވެ. ކަނޑު އުޅަނދު ފަަހަރަށް ވެސް އެކި ރަށްރަށަށް ދަތުރު ކުރެވޭނެ އަގުތަކެއް ކަނޑައެޅެން ވާނެއެވެ. އިނޓާރނެޓް، މޮބައިލް ނެޓްވާރކް، ޓީވީ ފަދަ ޚިދުމަތް ތަށް ފޯރު ކުރުމަށް ވެސް އެންމެ އެކަށޭނަ އަގެއް ކަނޑަ އެޅެން ޖެހެއެވެ. މި ކަންކަަށް ވެސް މިނިސްޓްރީތައް، އިދާރާ ތައް ހެދިފައި އެބަހުއްޓެވެ ނުކުރަނީ ނުވަތަ ކުރަން ބޭނުން ނުވަނީ ކީއްވެހެއްޔެވެ. ‎ރައްޔިތުންނަށް ހަމަޖެހޭ ދިރިއުޅުމެއް އުޅެން އުނދަގޫ ވެގެން މި އުޅެނީ ޓްކްސީ ތަކުގެ ފީ އަގުބޮޑުވެގެން ނޫނެވެ. ކަރަންޓައި، ފެނައި ގޭ ކުއްޔާއި، ޓީވީ، އިންޓަރނެޓް ފަދަ ޚިދުމަތްތައް އަތް ފޯރާ ފަށުގައި ނެތުމުން ނެވެ. މާލޭގެ ގެތަކުގެ ކުލި ކޮންޓްރޯލް ކޮށް ކުއްޔަށް ދެވޭނެ އަގުތަކެއް ކަނޑަ ނާޅަނީ ކީއްވެހެއްޔެވެ. މާލޭ ރައްޔިތުން ހިތަށް އެރި އަގެއްގައި ކުއްޔަށް ދެނީ އެވެ. މިއީ މާލޭގައި ކުރެވޭ އެންމެ ބޮޑު ވިޔަފާރި ކަމުގައި ވީ އިރު މި ޚިދުމަތުން ނެގޭ ޓެކްސްއެއް ވެސް ނޯވެއެވެ. ހަމަކުލި ވަންނަނީ ގޭގެ ވެރި މީހާ ޖީބަށެވެ. ކަރަންޓު އަދި ފެންބިލުވެސް ދައްކަނީ ކުއްޔަށް އުޅޭ މީހާއެވެ. ދެން ބައްލަވާށެވެ. އިންޓަރނެޓްގެ ޚިދުމަތް މުޅި އޭސިއާ އަށް ބެލިކަމުގައި ވިޔަސް ދިވެހި ރާއްޖެ އަށް ވުރެ ބޮޑު އެހެން ގައުމެއް ނޯންނާނެ ކަން ޔަގީނެވެ. އިންޓަރނެޓް ޚިދުމަތް ދެވޭނެ އަގެއް ސަރުކާރުން ކަނޑަ ނާޅަނީ ކީއްވެހެއްޔެވެ. މިހެން ހުރީ ކިތަށްކިތަށް ކަންތައް ތޯ އެވެ. ޚިދުމަތުގެ އަގަކީ ޚިދުމަތް ދޭ ފަރާތުން ކަނޑައަޅަން ޖެހޭ އެއްޗެކޭ އަޅުގަނޑު މި ދަންނަވަނީ މިހެންވެއެވެ. ‎ވެހިކަލް ދުއްވުމަކީ ވަރަށް ތަފާތު މަސައްކަތެކެވެ. ފެންވަރާލައިގެން ރީތިކޮށް އިނދެ މިކަން ކުރެވުނެއް ކަމު މި ކަމަކީ ވަރަށް ޒިންމާދާރު ވާން ޖެހޭ ކަމެކެވެ. ކަމަކީ އެހައިމެ ނުރައްކާތެރި ކަމެއް ވެސްމެވެ. ހާއްސަކޮށް މާލެ ފަދަ ތަނެއްގައި ދަތުރުކުރުމަކީ ކަމުގެ ނުރައްކާތެރިކަން ބޮޑުވެގެން ދާ އެއްސަބަބެވެ. ވަށައިގެން ބަރިބަރިއަށް ފާޑުފާޑުގެ ވެހިކަލްތައް ދުއްވާ އިރު އެމީހަކަށް ދުއްވުނު ގޮތަކަށް ދުއްވާ މީހުނާ ހިނގުނު ގޮތަކަށް ހިނގާ މީހުން އުޅޭ މިފަދަ ތަނެއްގައި ދިހަ ބާރަ ގަޑި އިރު ދުއްވުމަކީ ވާނެ ކަމެއް ނޫނެވެ. ކޮންގެންވެސް ވާނެ ކަމެއްނޫނެވެ. ހުއްޓާ ނުލާ ވެހިކަލް ދުއްވުމަކީ ވަރަށް ނުރައްކާތެރި ކަމެކެވެ. ޑްރައިވަރުން ތިބެންވާނީ ހަމަ ނިދި ލިބި މީހާ ވެސް ހަމަ ޖެހިފައެވެ. ހާސްވެ ކަންބޮޑުވެފައި ހުންނަ ވަގުތުގައި ވެސް ވެހިކަލް ދުއްވުމަކީ ކޮށްގެން ވާނެ ކަމެއް ނޫނެވެ. މިހެން މިކަން އޮންނަ އިރު ދުވާލަކު ތިންސަތޭކަ ރުފިޔާ ކާރުގެ ވެރިފަރާތައް ދިނުމާއި ތެލަށް ފަސްސަތޭކަ ކޮންމެ ގޮތެއް ވިޔަސް ހަރަދު ކުރަން ޖެހެއެވެ. ކިތަންމެ ކައިރިއަށް ވަންވޭ ތަކާއި ކާރޫބާރޫ ބޮޑުވުމެ ސަބަބުން ކިތަނމެ ކައިރިއަށް ދާން ލިބޭ ދަތުރަށް ވެސް އެތައް ވަގުތެއް ނަގައެވެ. އެހެން ކަމުން އަގެއް ކަނޑައަޅާ ނަމަ ހަމަ އެކަނި ހަަކަތަ އަނދާ ރޭޓަށް ބަލައިގެން އަގު ކަނޑަ އެޅުމަކީ އަނިޔާއެވެ. ހަކަތައާއި، ވަގުތައި ދަތި އުނދަގުލާއި، ޒިންމާ އަދި ދިރި އުޅުމުގެ އަގުތަކަށް ވެސް ބަލަން ޖެހެއެވެ. ‎ދެން އޮތީ ތަފާތު ވާހަކައެކެވެ. ކިތަންމެ ޝަކުވާއެއް ހުރިކަމުގައި ވިޔަސް ސަރުކާރުން މިކަން މި އޮތީ ނިންމާފައެވެ. އަޅުގަނޑުގެ ސުވާލަކީ ޤާނޫނާއި ގަވައިދަކީ ހަމަ އެކަނި މާލޭގައި ތަންފީޒު ކުރަން ޖެހޭ އެއްޗެއް ތޯއެވެ؟ މި ކަނޑައެޅި އުސޫލުން ބަލާ ނަމަ ދިވެހި ރާއްޖޭގެ ހުރިހާ ރަށެއްގައި ވެސް ޓެކްސީ ކުރެވޭނެ އަގުތަކެއް ކަނޑައެޅެން ޖެހެއެވެ. ޓެކްސީ ބޯޑުވެސް ޖަހަން ޖެހޭނެއެވެ. ސެންޓަރުތައް ވެސް ހުންނަން ޖެހެއެވެ. މިއީ ހައްތާވެސް ޓްރާންސް ޕޯޓް ގަވައިދު ތަކެެވެ. އަމަލު ކުރުން އޮތީ މާލޭގެ ހަފޮޅުން އެތެރޭގައެވެ. މި ފަދަ ގަވައިދު ތަކަކީ ދުވަހަކުވެސް ރާއްޖޭގެ އެހެން ރަށްރަށުގައި އަމަލު ކުރަން ޖެހޭ ގަވައިދު ތަކެއް ނޫނެވެ. މިއީ މިކަން ވާން ޖެހޭ ކުރަން ޖެހޭ ގޮތް ކަމުގައި އަޅުގަނޑަކަށް ގަބޫލެއް ނުކުރެވެއެވެ. ‎ރަށްފުށުގެ ހޮޅުއޮށިތަކުގައި ވާއި ޖައްސާލަން ތިބޭ މީހުންނަށް ފަހަރުގައި މާލޭގެ ދިރި އުޅުމުގެ ދަތި އުނދަގުލާއި ހަރަދު ކުރަން ޖެހޭ މިންވަރު އަންދާޒާ ނުކުރެވުމަކީ ވެދާނެ ކަމެކެވެ. އެހެން ކަމުން އެ ފަދަ މީހުން މި މައްސަލައިގައި ޓްކްސީ ޑްރައިވަރުން ނާއި ދެކޮޅަށް ބަސް ބުނެވެނީއެވެ. ނުވަތަ މީހަކަށް ބަޔަކަށް ރަނގަޅު ގޮތެއް ވާން ހިތް ނޭދެނީ އެވެ. ނޫނީ އެީހަކީ ޑިމޮކރަސީގެ ވަބާގައި ޖެހި ޕާޓީގެ މިސްރާބުން ނަފުސު ކޮންޓްރޯލު ކުރާ މީހުންނެވެ. ހަމަ ގައިމުވެސް އަޅުގަނޑަކީ ޓްކްސީ ޑްރައިވަރެއް ނޫނެވެ. އަޅުގަނޑުގެ ތިމާގެ މީހަކުވެސް އެކަން ކުރާކަށް ނޫޅެއެވެ. އެހެނެއް ކަމަކު ޑްރައިވަރުންނަށް އިހްތިރާމު ކުރަނީ އެމީހުން އެ ކޮށްދޭ ޚިދުމަތުގެ ބުރަކަން ހަގީގަތުގައި ވެސް ހިތަށް އިހުސާސު ކުރެވޭތީއެވެ. ✍️ ~ މިރޯ~

ހަމަ މިގޮތައް މާލެއިން ކުޔައްދޭ ކޮޑަރިތަކުގެ އަގުވެސް ބަލާ ހެޔޮކުރަން ޖެހޭނެ. ކުޑަކުޑަ ކޮތަރުކޮށްޓެއް ކަހަލަ ތަނެއްވެސް މިދެނީ ދުވާލަކަށް 500ރުފިޔާއަށްވުރެއް ބޮޑުކޮށް. ކޮޓަރި ކުލިތައްވެސް އެތަންތައް ހެދިފަހުންނަ ޗެންވަރާ ލިބޭޙިދުމަތްތަކަށް ބަލައި އަގުތަކެއް ކަނޑައެޅުންމުހިއްމު. މިހާރު އާދައިގެތަނެއްވެސް މިއުޅެނީ 500، 700 800ރުފިޔާއަށް، އެއީ ހަމައެކަނި އެދަކާ ކުޑަކުޑަ ފާހާނާއެއްހުންނަ ތަންތައް. މީހަމަ ރައްޔިތުމީހާ ފެލުންނޫންތޯ