ކުޑަ ކުއްޖަކު ވިއްކާލި ކަމަށް ބުނާ މައްސަލައެއް ފުލުހުން ތަހުގީގު ކުރަން ފަށައިފި އެވެ.
މި މައްސަލަ ތަހްގީގު ކުރަމުންދާކަން ހާމަކުރުން ފިޔަވައި، މައްސަލައާ ގުޅޭ އިތުރު ތަފްސީލެއް ފުލުހުން ނުބުނެ އެވެ.
ފުލުހުން ބުނީ މި މައްސަލަ ތަހުގީގު ކުރާ ކަމަށާއި އިތުރު ތަފްސީލެއް މިވަގުތު ދެވެން ނެތް ކަމަށެވެ.
ސަން އޮންލައިންގައި ވާ ގޮތުން ދެކުނުގެ ރަށެއްގައި ކުއްޖާ ވިއްކާލައިފައިވަނީ 30،000 ރުފިޔާ އަށެވެ. އެ ކުއްޖާ ގަނެފައިވަނީ ދަރިން ނުލިބޭ ދެމަފިރިންނެވެ.
އެ ކުއްޖާ މި ވަގުތު ހުރީ ޖެންޑާ މިނިސްޓްރީގެ ބެލުމުގެ ދަށުގައި ކަމަށް ވެސް ސަން އޮންލައިންގައި ބުނެފައިވެ އެވެ. މިކަމާ ގުޅޭ ގޮތުން ޖެންޑާ މިނިސްޓްރީން އަދި ބައެއް ނުބުނެ އެވެ.
