އިލެކްޝަން ކޮމިޝަން ގެ މެމްބަރުންނާއި އިންފޮމޭޝަން ކޮމިޝަނަރު އާދީއްތަ ދުވަހުގެ ރޭ، 20:30 ގައި މިނިވަން މުއައްސަސާތަކުގެ ކޮމެޓީއަށް ހާޒިރު ކުރުމަށް ނިންމައިފިއެވެ.
އިލެކްޝަން ކޮމިޝަންގެ މެމްބަރުން ހާޒިރު ކުރުމަށް ހުށަހެޅުއްވީ ބިލަތްދޫ ދާއިރާގެ މެމްބަރު އަޙްމަދު ޙަލީމްއެވެ. މެމްބަރު ހަލީމް ގެ ހުށަހެޅުއްވުމަށް ތާއީދު ކުރައްވަމުން ކޮމިޓީގެ މުގައްރިރު ރޮޒެއިނާ އާދަމް ވިދާޅުވީ އިލެކްޝަން ކޮމިޝަނުން ކޮމެޓީގެ މެމްބަރުންނާއި ބައްދަލު ކުރެއްވުމަށް އެދިފައިވުމުން އެ ބައްދަލުވުމަށް އިންފޮމޭޝަން ކޮމިޝަނާރ ވެސް ހާޒިރު ކުރުމަށް ފެންނަ ކަމަަށެވެ.
އިލެކްޝަން ކޮމިޝަނާއި އިންފޮމޭޝަން ކޮމިޝަނާރ ކުއްލި ގޮތަކަށް މަޖިލީހަށް ހާޒިރު ކުރުމަށް ނިންމަވާފައި ވަނީ، މުންޑޫ ކައުންސިލުން އިލްކެޝަން ކޮމިޝަނަށް ހުށަހެޅި ޕެޓިޝަނެއްގެ މައުލޫމާތު އިންފޮމޭޝަން ކޮމިޝަނާއި ހިއްސާ ނުކުރި މައްސަލައިގައި، ހޯމަ ދުވަހު ހުޅުވާލެވިގެން ގެންދެވޭ އަޑު އެހުމަކަށް އިންފޮމޭޝަން ކޮމިޝަނަރ އޮފީހަށް އިލެކްޝަން ކޮމިޝަން ހާޒިރުވާން ތާވަލު ކުރުމުންނެވެ.
