މިނިސްޓަރ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗަރ މުޙައްމަދު އަސްލަމް ބުދަ ދުވަހު ރައްޔިތުންގެ މަޖިލީހަށް ހާޒިރުކޮށް ސުވާލު ކުރުމަށް އެޖެންޑާ ކޮށްފިއެވެ.

މިނިސްޓަރު އަސްލަމާ ސުވާލުކުރެއްވުމަށް ހުށައަޅުއްވާފައިވަނީ މަރަދޫ ދާއިރާގެ މެމްބަރު އިބްރާހިމް ޝަރީފްއެވެ. އަސްލަމް ހާޒިރު ކުރަނީ މަރަދޫގެ ބަނދަރުގެ މަސައްކަތް ހުއްޓިފައިވާތީ އެކަމާއި ގުޅޭ ގޮތުން ސުވާލު ކުރުމަށެވެ.

19 ވަނަ މަޖިލީހަށް މީގެކުރިން ބަންޑާރަ ނައިބް އިބްރާހިމް ރިއްފަތާއި، އިކޮނޮމިކް މިނިސްޓަރު ފައްޔާޒް އިސްމާއިލް ހާޒިރުކޮށް ވަނީ ސުވާލުކޮށްފައެވެ.