ފ.މަގޫދޫ ކައުންސިލް އިދާރާ ފަޅާލައި ތިޖޫރީގައިހުރި ފައިސާ ވަގަށް ނަގައިފިއެވެ.
ފުލުހުން ބުނީ ރޭ މެންދަމު 03:30 ހާއިރު މަގޫދޫ ކައުންސިލް ފަޅާލައި އެތަނުގެ ތެރެއަށް ވަދެ އެދާއިރާގެ ތިޖޫރީ ހަލާކު ކޮށްލައި އޭގައި ހުރި ފައިސާ ވަގަށް ގެންގޮސްފައިވާ ކަމުގެ މައުލޫމާތު ލިބިފައިވާ ކަމަށެވެ.
ފުލުހުން ބުނީ މިހާތަނަށް ބެލިބެލުމުން ކައުންސިލް ފަޅާލައި އެތަނުގައި ތިޖޫރީ ހަލާކުކޮށްލައިގެން ފައިސާ ވަގަށް ނަގާފައިވަނީ އެއިދާރާގެ ސެކިއުރިޓީ ގާރޑް ބަނުމަށް ފަހު އެތަނުގެ ދޮރު ހަލާކުކޮށްލައިގެން ވަދެގެން ކަމަށެވެ.
ކައުންސިލްއާ ހަވާލާދީ ފުލުހުން ބުނީ ތިޖޫރީގައި ހުރި މަދު އަދަދެއްގެ ފައިސާ ކަމަށެވެ. ނަމަވެސް ހުރީ ކިހައި އަދަދެއްގެ ފައިސާ ކަމެއް ހާމަކޮށްފައިނުވެއެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
