ފ.އަތޮޅުގައި ދިރިއުޅޭ ރައްޔިތުން އެންމެ ބޭނުންވެފައިވާ ކަންކަން ހިއްސާކުރެއްވުމުގެ ގޮތުން އެ އަތޮޅު ކައުންސިލުން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާ ބައްދަލުކުރައްވައިފިއެވެ.

ހޯމަ ދުވަހު މެންދުރު ފަހު ރައީސުލްޖުމްހޫރިއްޔާގެ އޮފީހުގައި ބޭއްވި ބައްދަލުކުރެއްވުމުގައި ފ. އަތޮޅަށް ކުރިމަތިވެފައިވާ މައްސަލަތަކުގެ ތެރެއިން އަތޮޅު ކައުންސިލުން އެންމެ ބޮޑަށް ފާހަގަކުރި އެއް ކަމަކީ އަތޮޅުގެ ފެރީގެ ނިޒާމު ހުއްޓިފައި އޮތުމާއި، އެއާޕޯޓެއް ނެތުމުގެ މައްސަލަ އެވެ.

މި ބައްދަލުކޮށްލެއްވުމުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި ފ. އަތޮޅު ކައުންސިލުން އެދިވަޑައިގެންފައިވާ ކަންކަމުގެ ތެރެއިން ބައެއް މަޝްރޫއުތަކުގެ އެންމެފަހުގެ މައުލޫމާތު ކައުންސިލަރުންނާއި ޙިއްސާކުރެއްވި ކަމަށް ރައީސް އޮފީހުން ބުންޏެވެ. އަދި ހުށަހެޅުއްވި ކަންކަމަށް ސަރުކާރުގެ އިދާރާތަކާއި މަޝްވަރާކުރައްވައިގެން ހައްލެއް ހޯއްދަވައިދެއްވަން މަސައްކަތްޕުޅު ކޮށްދެއްވާނެ ކަމަށް ވެސް ރައީސް ވިދާޅުވި އެވެ.

ރައީސް އިބްރާހިމް މުހައްމަދު ސޯލިހު ވެރިކަމާ ހަވާލުވެވަޑައިގެން ރަށްރަށުގެ ކައުންސިލްތަކާ އަދި އަތޮޅު ކައުންސިލްތަކާ ބައްދަލުކުރައްވައި، ރަށްރަށަށް ދިމާވެފަ