ހދ. ނޮޅިވަރަންފަރުގެ ފެނުގެ ނިޒާމުގެ އަމަލީ މަސައްކަތް އެނަވާރަމެންޓް މިނިސްޓަރ ޑރ. ހުސެއިން ރަޝީދް އިފްތިތާހު ކޮށްދެއްވައިފިއެވެ.
މިނިސްޓަރ ވިދާޅުވީ ހައްލު ހޯދައިދިނުމަށް، މަސައްކަތް ކުރާމުން ގެންދާ ކަމަށާއި، ނަމަވެސް މިހާރު މަސައްކަތް ކުރަން ޖެހިފައިވަނީ އަލުން ފަށައިގެން ކަމަށެވެ. އަދި ނޮޅިވަރަން ފަރުގައި ކުރިއަށް މިގެންދާ މަސައްކަތަކީ ވަށާޖެހޭ ތަރައްގީގެ ޕްލޭން އެއް ކަމަށެވެ. އަދި އެ މަސައްކަތް ވަރަށް އަވަސް މުސްތަގުބަލެއްގައި ފެށިގެންދާނެ ކަމަށްވެސް މިނިސްޓަރު ވިދާޅުވިއެވެ.
މި މަޝްރޫޢުގެ ދަށުން ނޮޅިވަރަންފަރަށް 500 ކިލޯ ވަޓް ގެ ޖަނަރޭޓަރެއް ގެނެވޭނެ ކަމަށާއި 70 އިންސައްތައިން ސޯލާ ހަކަތަ ބޭނުން ކޮށްގެން ކަރަންޓު އުފެއްދުމުގެ މަސައްކަތެއްވެސް ފެށިގެން ދާނެ ކަމަށް މިނިސްޓަރު ވިދާޅުވިއެވެ.
މީގެ އިތުރުން މުޅި ރަށުގައި ފެން ހޮޅި އެޅުމާއި ގޭބީސީ ތަކާއި ގެ ތަކުގައި ފެން މީޓަރުތައް ހަރު ކުރުން މި މަޝްރޫޢުގެ ދަށުން ކުރިއަށްދާއެވެ. ބޯ ހޯލް ހަދާ، ގާއިމު ކުރުމާއި އާރައޯ ޕްލާންޓް ޔުނިޓް ގާއިމް ކުރުމުގެ އިތުރުން ލެބޯރެޓްރީގެ ޚިދުމަތް ލިބޭ އެޑްމިނިސްޓްރޭޝަން އިމާރާތެއް އެޅުމަށް ވެސް ވަނީ ރޭވިފައެވެ.
ކެނޭޑިއަން ކްރިސްޓަލައިން ވޯޓާރ އިންޑިއާ ލިމިޓެޑް އާއި މި މަޝްރޫއު ކުރިއަށް ގެންދިއުމަށް ހަވާލު ކުރެވިފައިވަނީ 31.8 މިލިއަން އަށެވެ.
ނޮވެމްބަރު މަހު މަޝްރޫޢުގެ މަސައްކަތް ނިމުމުން ނޮޅިވަރަން ފަރުގެ ރައްޔިތުންނަށް ސާފު ބޯފެނުގެ ޚިދުމަތް ލިބިގެންދާނެއެވެ.
