ކޮޕާ އެމެރިކާ 2019 ގެ މެޗްތައް އައިސް ޓީވީ މެދުވެރިކޮށް ބަލާލުމުގެ ފުރުސަތު މީޑިއާނެޓް އިން ހުޅުވާލައިފިއެވެ.
ކޮޕާ އެމެރިކާގެ މެޗްތައް ޖޫން މަހުގެ 15 ވަނަ ދުވަހު ފެށުމަށް ހަމެޖެހިފައިވާއިރު މެޗްތައް ކުރިއަށްދާނީ ޖުލައި މަހުގެ 07 ވަނަ ދުވަހާއި ހަމައަށެވެ.
މީޑިއާނެޓްގެ އެސިސްޓަންޓް މާކެޓިންގ މެނޭޖަރ އިސްމާއިލް މާއިޒް މުހައްމަދު ވިދާޅުވީ މެޗްތައް އޮންނަ ގަޑިތައް މީޑިއާނެޓްގެ ބޮކްސްގެ އިތުރުން ފޭސްބުކް، ޓުވިޓަރ އަދި އިންސްޓަގްރާމް ޕޭޖުން ފެންނަން ހުންނާނެ ކަމަށެވެ.
"މި މެޗްތައް ފެންނާނީ އެކްސްކްލޫސިވްލީ އައިސް ޓީވީ މެދުވެރިކޮށް ބަލާލެވޭނެ. މީޑިއާނެޓްގެ ޗެނަލް 100 އަދި 700 އެ ޗެނަލް ފެނިގެންދާނެ. މެޗްތައް އޮންނަ ގަޑިތައް މީޑިއާނެޓްގެ ބޮކްސްގެ އިތުރުން ފޭސްބުކް، ޓުވިޓަރ އަދި އިންސްޓަގްރާމް ޕޭޖުން ފެންނަން ހުންނާނެ" މާއިޒް ވިދާޅުވިއެވެ.
ކޮޕާ އެމެރިކާގެ ބްރޯޑްކާސްޓް ސްޕޮންސަރެއްގެ ގޮތުގައި ބައިވެރިވަނީ ދިރާގު އަދި މީޑިއާނެޓްގެ ފަރާތުންނެވެ.
ކޮޕާ އެމެރިކާ އަކީ ފުޓްބޯޅައިގެ ވަރަށް މަޝްހޫރު މުބާރަތަކަށްވާއިރު މި މުބާރާތް ހޯސްޓް ނޭޝަންއެއްގެ ގޮތުގައި ބާއްވާނީ ބްރެޒިލްގައެވެ.
މިއަހަރުގެ ކޮޕާ އެމެރިކާ ބްރެޒިލްގައި މި ހަފްތާ ފަށާއިރު ފުރަތަމަ މެޗުގައި ބައްދަލު ކުރާނީ ބްރެޒިލްއާއި ބޮލީވިއާއެވެ.
