18 ވަނަ ރައްޔިތުންގެ މަޖިލީހުގައި ދިއްގަރު ދާއިރާ ތަމްސީލުކުރައްވާ މެންބަރު އަދި ރައީސް މައުމޫނުގެ ދަރިކަލުން ފާރިސް މައުމޫނު 19 ވަނަ މަޖިލިސް އިންތިޚާބުގައި ނާކާމިޔާބީއާ ކުރިމަތިވެވަޑައިގެންނެވި އިރު، ރައީސް މައުމޫނުގެ ދަރިކަލުން ޣައްސާން މައުމޫނު މި އިންތިޚާބުގައި ގޮނޑިއެއް ކާމިޔާބުކުރައްވައިފިއެވެ.
ޣައްސާން މައުމޫނު ކާމިޔާބު ކުރެއްވީ ގުރައިދޫ ދާއިރާގެ ގޮނޑިއެވެ. ޕީޕީއެމްގެ ޓިކެޓްގައި ރައްޔިތުންގެ މަޖިލިސް އިންތިޚާބުގައި ވާދަކުރެއްވި ޣައްސާން މައުމޫން އިންތިޚާބު ކާމިޔާބު ކޮށްފި ކަމަށް މިހާތަނަށް ލިބުނު ވަގުތީ ނަތީޖާތަކުން ވަނީ ދައްކާފައެވެެ.
ގުރައިދޫ ދާއިރާއަށް ވާދަކުރެއްވި ޣައްސާން މިހާތަނަށް ވަނީ 417 ވޯޓް ހޯއްދަވާފައެވެ. އޭނާއާ އެންމެ ގާތުން ވާދަކުރައްވާ އެމްޑީޕީގެ މުހައްމަދު ނަސީރަށް ލިބިފައި ވަނީ 287 ވޯޓެވެ. ގުރައިދޫ ދާއިރާގެ މިހާރުގެ މެންބަރު ހުސައިން މަނިކު ދޮންމަނިކަށް ލިބިފައި ވަނީ 217 ވޯޓެވެ.
Called MP-elect @boadhigu n congratulated him on winning the Ma. Uthuru seat. I thank all fellow citizens who voted for me and my wonderful team for their excellent efforts
— Ahmed Faris Maumoon (@afarismaumoon) April 6, 2019
މައްޗަންގޮޅި އުތުރަށް ވާދަކުރެއްވި ޣައްސާންގެ ބޭބޭފުޅު ފާރިސް މައުމޫނު ވަނީ ބަލި ގަބޫލުކުރައްވާ އެދާއިރާއިން ގޮނޑި ކާމިޔާބުކުރެއްވި، އެމްޑީޕީގެ ކެންޑިޑޭޓް މުހައްމަދު ރަޝީދު (ބޯދިގު) އަށް މަރުހަބާ ވިދާޅުވެފައެވެ.
