ވީހާ ވެސް ގިނަ ބަޔަކު ވޯޓުލުމަށް ނުކުމެ ވަޑައިގަތުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އިލްތިމާސް ކުރައްވައިފިއެވެ.
ރައީސް ސޯލިހު މިއިލްތިމާސް ކުރެއްވީ ހިންނަވަރު ދާއިރާއަށް ވޯޓުލުމަށް ފަހު މީޑިއާއަށް މައުލޫމާތު ދެއްވަމުންނެވެ.
ރައީސް ސޯލިހު ވިދާޅުވީ މަޖިލިސް އިންތިޚާބުގެ ވޯޓުލުން ކުރިއަށްދާ ގޮތާ މެދު ވަރަށް ހިތްހަމަޖެހިވަޑައިގަންނަވާ ކަމަށާއި، ވޯޓު ލުމުގެ ކަންކަން ކުރިއަަށް ދަނީ ސުލްހަވެރިކަމާ އަމާންކަމާއެކު ކަމަށެވެ.
އެމަނިކުފާނު ވަނީ ވީީހާ ވެސް ގިނަ ބަޔަކު ވޯޓުލުމުގެ ހައްޤު ބޭނުންފުޅު ކުރެއްވުމަށް އެދިވަޑައިިގެންފައެވެ.
