ތައިލެންޑަށްދާ ދިވެހިންނަށް ވިސާގެ ލުއިތަކެއް ހޯދުމާއި ބެހޭ ގޮތުން މަޝްވަރާކޮށްފި އެވެ.
ފޮރިން މިނިސްޓަރ އަބްދުﷲ ޝާހިދު ކުރެއްވި ޓްވީޓެއްގައި ވިދާޅުވީ ތައިލެންޑާއި ރާއްޖެއާއި ދެމެދު ވިސާނެތި ދަތުރުކުރެވޭނެ އެއްބަސްވުމެއް ގާއިމް ކުރުމާއި ގުޅޭގޮތުން ތައިލެންޑުގެ ޑެލިގޭޝަންގެ އިސްފަރާތްތަކާއި މަޝްވަރާ ކުރައްވާފައިވާ ކަމަށެވެ. އަދި ތައިލެންޑަކީ ރާއްޖޭގެ ވިޔަފާރީގެ މުހިއްމު އެއް ގައުމު ކަމަށާއި ރާއްޖޭގައި ވެސް ތައިލެންޑުގެ ބޮޑެތި އިންވެސްޓްމަންޓުތައް އެބަހުރި ކަމަށެވެ.
ޝާހިދު ތައިލެންޑުގެ ޑެލިގޭޝަންއާއި ބައްދަލު ކުރައްވާފައިވަނީ އާޖެންޓީނާގެ ބޮއެނަސްއައިރިސްގައި ކުރިއަށްދާ އދގެ ކޮންފަރެންސް އޮން ސައުތު-ސައުތު ކޯޕަރޭޝަންގެ ދެވަނަ ހައި-ލެވެލް ބައްދަލުވުމުގެ ތެރެއިންނެވެ.
Met with the head of the delegation of Thailand at #BAPA40. Discussed on formalising visa waiver arrangement between the two countries. Thailand is one of the most important countries for Maldives business and we host large number of Thai investments. pic.twitter.com/pEgFAclpmx
— Abdulla Shahid (@abdulla_shahid) March 20, 2019
ދިވެހިންނަށް ތައިލެންޑް ވިސާގެ ލުއިތަކެއް ހޯދަން މަޝްވަރާ ކުރައްވާފައިވާއިރު ދާދިފަހުން ވަނީ އަވަށްޓެރި އިންޑިއާ އާއެކު ވެސް ވަނީ ވިސާގެ ލުއިތަކެއް ހޯއްދަވައިދެއްވައިފައެވެ. އެގޮތުން ވިޔަފާރީގެ ބޭނުމަށް އިންޑިއާއަށް ދާ ދިވެހީންނަށް ވިސާއާ ނުލައި 90 ދުވަސް އެ ގައުމުގައި ތިބެވޭއިރު ޓޫރިސްޓުންގެ ގޮތުގައި އިންޑިއާއަށް ދާ މީހުންނަށް ވެސް ވިސާއާ ނުލައި 90 ދުވަހު އެ ގައުމުގައި ތިބެވޭނެއެވެ.
