ވ. ފެލިދޫ ރަށު ކައުންސިލްގެ މެޖޯރިޓީ އެމްޑީޕީއަށް ލިބިފައިވާ ކަމަށް ފެލިދޫގެ އެމްޑީޕީގެ ހަރަކާތްތަކުގައި އެންމެ އިސްކޮށް ހަރަކާތްތެރިވާ އަލީ ފައިސަލް ވިދާޅުވެއްޖެ އެވެ.

ފެލިދޫ ރަށު ކައުންސިލްގެ މެޖޯރިޓީ އެމްޑީޕީއަށް ލިބިފައިވަނީ  އެރަށު ކައުންސިލްގެ ރައީސް އަލީ އިސްމާއިލް ( ކުރީގައި ޕީޕީއެމްގެ މެންބަރެއް) އެމްޑީޕީއަށް ސޮއި ކުރުމާއި ގުޅިގެންނެވެ.

މި ކައުންސިލްގައި ތިއްބަވަނީ ޖުމްލަ 3 މެންބަރުންނެވެ. އެއީ ކައުންސިލްގެ ރައީސް އަލީ އިސްމާއިލްގެ އިތުރުން ކައުންސިލްގެ ނައިބު ރައީސް

( ޕީޕީއެމްގެ މެންބަރު ) އަލީ ރަޝީދާއި އެމްޑީޕީގެ މެންބަރު އަލީ ނައީމެވެ.  

ފެލިދޫގެ ތާރީޚުގައިވެސް  އެމްޑީޕީއަށް ކައުންސިލްގެ މެޖޯރިޓީ ލިބުނު މީ ފުރަތަމަ ފަހަރެވެ.

ފެލިދޫ ކައުންސިލްގެ ރައީސް އަލީ އިސްމާއިލް އެމްޑީޕީއަށް ސޮއިކުރެއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހު ވެސް ބައިވެރިވެ ވަޑައިގެންނެވިއެވެ.