ކުރިޔަށް އޮތް ރައްޔިތުންގެ މަޖިލީހުގެ އިންތިޚާބުގެ ސަލާމަތީ ކަންކަމާއި، ލޮޖިސްޓިކްސް މަސައްކަތްތަކުގައި އެހީތެރިކަން ފޯރުކޮށްދިނުމަށް، މޯލްޑިވްސް ޕޮލިސް ސަރވިސް އާއި އިލެކްޝަން ކޮމިޝަނާ ދެމެދު އެއްބަސްވުމެއްގައި ސޮއިކޮށްފިއެވެ.
އީސީގެ އިދާރާގައި ހޯމަ ދުވަހު ބޭއްވި ރަސްމިއްޔާތުގައި ފުލުހުންގެ ފަރާތުން ސޮއިކުރެއްވީ އެކްޓިން ކޮމިޝަނާ އޮފް ޕޮލިސް މުހައްމަދު ހަމީދު (އެމްސީ ހަމީދު) އެވެ. އީސީގެ ފަރާތުން އެގްރީމެންޓްގައި ސޮއިކުރެއްވީ އީސީގެ ރައީސް އަހްމަދު ޝަރީފްއެވެ.
ރައްޔިތުންގެ މަޖިލީހުގެ އިންތިޚާބުގެ ސަލާމަތީ ކަންކަމާއި، ލޮޖިސްޓިކްސް މަސައްކަތްތަކުގައި އެހީތެރިކަން ފޯރުކޮށް ދިނުމަށް، މޯލްޑިވްސް ޕޮލިސް ސަރވިސް އާއި އީސީ އާ ދެމެދު ފަހުުުމުނާމާގައި ސޮއި ކޮށްފި @PoliceMv pic.twitter.com/IFd21vQY0J
— Elections Commission (@ElectionsMv) February 25, 2019
މީގެ ކުރީގެ އިންތިޚާބުތަކުގައި ވެސް ފުލުހުން ވަނީ އިންތިޚާބުގެ ސަލާމަތު ކަންކަން ބެލެހެއްޓުމުގެ އިތުރުން އިންތިޚާބާ ގުޅުންހުރި ބައެއް ސާމާނު ރަށަރަށް ގެންދިއުމުގައި އެހީތެރިކަން ފޯރުކޮށްދީފައެވެ.
