މިމަހުގެ 22 ވަނަ ދުވަހު ރިލީޒް ކުރުމަށް ނިންމާފައިވާ އަޖޭގެ ކޮމެޑީ ފިލްމު ޓޯޓަލް ދަމާލު ޕާކިސްތާނުގައި ނާޅުވާގޮތަށް ނިންމައިފިއެވެ.
ޓޯތަލް ދަމާލުގެ ޓީމުން އެކަން އެގޮތަށް ނިންމީ ކަޝްމީރުގެ އިންޑިއާއާވީ ފަޅީގައި ދިން ޖާނުން ފިދާވުމުގެ ހަމަލާއެއްގައި އިންޑިއާގެ ޕެރަމިލިޓަރީ ފުލުހުންގެ 40 މީހުން މަރާލި ހާދިސާއާއި ގުޅިގެންނެވެ. އިންޑިއާއިން ދަނީ އެ ހަމަލާގެ ފަހަތުގައި ޕާކިސްތާން އޮތްކަމުގެ ސާބިތު ހެކި ހުރި ކަމަށް ބުނަމުންނެވެ.
ހޯމަ ދުވަހު އަޖޭ ބުނެފައިވަނީ، އެ ބިރުވެރި ހާދިސާގައި މަރުވި 40 މީހުން އާއިލާތަކަށް ފަންސާސްލައްކަ ރުޕީސް ހަދިޔާ ކުރުމަށް ޓޯޓަލް ދަމާލްގެ ޓީމުން ނިންމާފައިވާކަމަށެވެ.
In light of the current situation the team of Total Dhamaal has decided to not release the film in Pakistan.
— Ajay Devgn (@ajaydevgn) February 18, 2019
އަޖޭ އަކީ މި ހަމަލާ އެންމެ ފުރަތަމަ ކުއްވެރިކުރި ބޮލީވުޑްގެ މަޝްހޫރު މަދު ތަރިންގެ ތެރޭގައި ހިމެނޭ އެކަކެވެ.
Horrible and disgusting. Anger can't be put into words. #KashmirTerrorAttack
— Ajay Devgn (@ajaydevgn) February 14, 2019
ބުރާސްފަތި ދުވަހު ދިން ޖާނުން ފިދާވުމުގެ ބޮމުގެ އެ ހަމަލާއަކީ އެ ސަރަހައްދުގައި އިންޑިއާގެ ފައުޖުތަކަށް އަމާޒުކޮށް ވޭތުވެދިޔަ 30 އަކަށް އަހަރުގެ ތެރޭގައިވެސް ދެވުނު އެންމެ ގެއްލުން ބޮޑު ހަަމަލާއެވެ. މި ހަމަލާގައި 40 ފުލުހުން މަރުވެ އިތުރު 5 މީހަކު ވަނީ ވަރަށް ބޮޑަށް ޒަޚަމްވެފައެވެ.
އިންދްރަ ކުމާރު ޑައިރެކްޓްކޮށްފައިވާ ފިލްމް ޓޯޓަލް ދަމާލް ގައި އަޖޭގެ އިތުރުން، މާދުރީ ޑިކްސިޓް، އަރްޝަދް ވާރސީ، ޖާވިދް ޖެފްރީ، އަނިލް ކަޕޫރު އަދި ރިތޭޝް ދޭޝްމުކް ހަރަކާތްތެރިވެއެވެ.
