މީގެ ހަތް އަހަރު ކުރިން އެނބުރި އަންނާނެ ކަމަށް އެމްޑީޕީން ވީ ވައުދު ފުއްދައި އެނބުރި އައިސްފައި ވަނީ ރައްޔިތުންނަށް އުފާވެރި ޚަބަރަކާއެކު ކަމަށް ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ބުރާސްފަތި ދުވަހު ނަޝީދު ކުރެއްވި ޓްވީޓެއްގައި ވިދާޅުވީ، މީގެ ހަތް އަހަރު ކުރިން އެމްޑީޕީން އެނބުރި އަންނާނެ ކަމަށް ވައުދުވެ އެޕާޓީގެ އަޒުމާއި ފިކުރު ރާއްޖެއިން ނުފޮހެވޭނެ ކަމަަށް ބުނި ބުނުމާ އެއްގޮތަށް އެނބުރި އައިސްފައި ވަނީ ރައްޔިތުންނަށް އުފާވެރި ޚަބަރަކާއެކު ކަމަށާއި، އެއީ މަޖިލިސް 19 ގެ އެޖެންޑާ ކަމަށެވެ.
Meege 7 aharu kurin mi dhuvahu MDP buni bunun,mi odiyeh nufetheyne,mi azumeh nugudaane,mi fikureh Raajje akun nufoheveyne,alhugandumen en’buri annaanamey.Miadhu MDP mithibee en’buri ais adhi maa ufaaveri khabarakai eku.#Agenda19 aai eku.MDP ah vote dhevva,Raajje salaamaiy kuravva
— Mohamed Nasheed (@MohamedNasheed) February 7, 2019
ނަޝީދުގެ ޓްވީޓުގައި ވަނީ މި ޤައުމު ސަލާމަތް ކުރުމަށް މަޖިލިސް 19 ގައި އެމްޑީޕީއަށް ވޯޓު ދެއްވުމަށް ގޮވާލާފައެވެ.
އެމްޑިޕީން މަޖިލިސް 19 އަށް ހުށައަޅާފައިވާ އެޖެންޑާގައި ރައްޔިތުންނާ ގުޅުން ހުރި އެކި ދާއިރާތަކުން ބޮޑެތި ބަދަލުތަކެއް ގެނައުމަށް ނިންމަވާފައިވާއިރު، މަޖިލީސް 19 ވެގެންދާނީ ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހުގެ ވައުދުތައް ފުއްދައިދޭން ގާނޫނީ ބާރުވެރިކަން ހޯދައިދޭ މަޖިލީހަކަށް ކަމަށް ރައީސް ނަޝީދު ކުރިން ވަނީ ވިދާޅުވެފައެވެ.
