ރިޔާސީ އިންތިޚާބަށްފަހު ސިޔާސީ މަސްރަހު ހޫނުވެފައިވާ ވެނެޒުއޭލާގެ އަސްކަރިއްޔާގެ އިސް ޖެނެރަލަކު އެ ޤައުމުގެ އިދިކޮލު ލީޑަރު ހުއާން ގުއައިޑޯއަށް ބައިއަތު ހިފައިފިއެވެ.
ޓުވިޓަރގައި ދައުރުވަމުންދާ ވީޑިއޯގައި ވެނެޒުއޭލާގެ ވައިގެ ސިފައިންގެ އިސް ކޮމާންޑްގައި ހިމެނޭ ޖެނެރަލް ފްރޭންސިސްކޯ ޔާނޭޒް ވަނީ އިދިކޮޅު ލީޑަރަށް ބައިއަތު ހިފައި، ސިފައިންގެ އެހެން ރޭންކުތަކުގެ އޮފިސަރުންވެސް ހުއާން ގުއައިޑޯއަށް ބައިއަތު ހިފުމަށް ގޮވާލާފައެވެ. ޖެނެރަލް ޔާނޭޒް އަކީ ވެނެޒުއޭލާގެ ވައިގެ ސިފައިންގެ އިސްތިރާޖީ ރޭވުންތެރިކަމާއި ބެހޭ އިސް ވެރިޔާއެވެ.
ޖެނެރަލް ޔާނޭޒްގެ މި އަމަލާއި ގުޅިގެން ވެނެޒުއޭލާގެ ސިފައިންގެ ރަސްމީ ޓުވިޓަރ އެކައުންޓުން ކޮށްފައިވާ ޓުވީޓެއްގައި ޖެނެރަލް ޔާނޭޒް އަކީ ޤައްދާރެއްގެ ގޮތުގައި ވަނީ ސިފަކޮށްފައެވެ.
ޖެނެރަލް ޔާނޭޒް އަކީ ޖަނަވަރީ 23 ވަނަ ދުވަހު ވެނެޒުއޭލާގެ އައު ރައީސް އަކީ ގުއައިޑޯ ކަމަށް އޭނާ އަމިއްލައަށް އިއުލާނު ކުރިފަހުން އޭނާއަށް ބައިއަތު ހިފި ފުރަތަމަ ސިފައިންގެ އޮފިސަރެވެ.
