''ދުވެލި'' ނަމަކަށް ކިޔާ ދޯންޏެއް ގއ.ކޫއްޑޫ ފަރަށް އަރައިފިއެވެ. 

އެމްއެންޑީއެފުން ބުނީ މިދޯނި ފަރަށް އަރައިގެން އުޅޭ ކަމުގެ މައުލޫމާތު ލިބުނީ ހޯމަ ދުވަހު 9:27 ހާއިރު ކަމަށެވެ. އަދި މިމައުލޫމާތު ލިބުމާއެކު އެމްއެންޑީއެފް ސަދަން އޭރިއާ ކޯސްޓްގާރޑް ސްކޮޑްރަން އިން އެދޯންޏަށް އެހީތެރިކަން ފޯރު ކޮށްދީފައިވާ ކަމަށެވެ.

އެމްއެންޑީއެފުން ބުނީ މި ހާދިސާ ހިނގިއިރު، އެ ދޯނީގައި 3 މީހުން ތިބި ކަމަށެވެ. 

އަދި މިއެންމެންގެ ހާލު ވެސް ރަނގަޅު ކަމަށް އެމްއެންޑީއެފުން މައުލޫމާތު ދެއެވެ.