ވަގު ޑޮލަރުގެ ނޫޓްތަކެއް ދައުރުވަމުންދާ ކަމަށް ތުހުމަތުކޮށް ސޯޝަލް މީޑިއާގައި ބައެއް މީހުން ކަންބޮޑުވުންފާޅު ކުރަންފަށައިފިއެވެ.
މިހާރު ދައުރުވަމުންދާ ޑޮލަރު ނޫޓްގެ ފޮޓޯއާއެކު މީހަކު ކޮށްފައިވާ ޓްވީޓެއްގައި ބުނެފައިވަނީ މާލޭގައި ވަގު ޑޮލަރުތަކެއް ދައުރުވަމުންދާ ކަމަށާއި، އާންމުން މިކަމަށް ސަމާލުވުމަށް އެދޭ ކަމަށެވެ. މީގެ އިތުރުން ބައެއް މީހުން ބުނީ ދައުރުވަމުންދަނީ ވަރަށް ރަނގަޅު ފެންވަރެއްގައި ޗާޕުކޮށްފައިވާ 50 ޑޮލަރާއި 100 ޑޮލަރުގެ ވަގު ނޫޓް ކަމަށެވެ.
ވަގު ޑޮލަރު ނޫޓް ދައުރުވަމުންދާ ކަމަށް ބައެއް މީހުން ތުހުމަތުކުރި ނަމަވެސް ސަރުކާރު ކަމާ ބެހޭ އެއްވެސް މުއައްސަސާއަކުން މިކަން ކަށަވަރުކޮށްދީފައެއް ނުވެއެވެ.
SAMAAL: Male' ga dhauru vamundhaa vagu Dollar thakeh. pic.twitter.com/YJo4daOdsC
— ALI SHAN (SATTO) (@SatoMexicanox) January 25, 2019
ވަގު ޑޮލަރު ދައުރުވަމުން ދިއުމަކީ ދޭތެރެ ދޭތެރެއިން ދިމާވަމުން އަންނަ ބޮޑު މައްސަލައެކެވެ. އެގޮތުން މީގެ ފަސް މަސް ކުރިންވެސް ވަގު ޑޮލަރުތަކެއް ދައުރުވަމުންދާތީ އެކަމަށް ސަމާލުވުމަށް މަރުކަޒީ ބޭންކް، އެމްއެމްއޭއިން ވަނީ އިލްތިމާސްކޮށްފައެވެ.
