އދ. ގެ ގަރާރުތަކަށް އަމަލުކުރަން ރާއްޖެއިން އިޒްރާއީލް އަށް ގޮވާލައިފިއެވެ.
ރާއްޖޭން އަންގާރަ ދުވަހު އިޒްރާއީލަށް ގޮވާލީ ފަލަސްތީނުގެ ބިންތަކުގައި ޔަހޫދީން ވަޒަންވެރި ކުރުވުން ހުއްޓުވުމަށް އދ. ގެ ސެކިއުރިޓީ ކައުންސިލުން ފާސްކޮށްފައިވާ ރިޒޮލިއުޝަނަށް ފުރިހަމަ އަށް އެ ގައުމުން އަމަލު ކުރުމަށާއި، އދ. ގެ ޗާޓަރުގެ ދަށުން އިޒްރާއީލުން ގާނޫނީ ގޮތުން އަމަލު ކުރަންޖެހޭ އުސޫލުތަކަށް އަމަލު ކުރުމަށެވެ.
#Maldives calls on Israel to fully implement the Resolutions of #UNSC & respect the legal obligations under the UN Charter, also urges the UNSC & the UN membership to redouble efforts to end the conflict, to bring lasting peace to the people of Palestine, as well as Israel. pic.twitter.com/6fvnU2KQoz
— Maldives Mission NY (@MVPMNY) January 22, 2019
މީގެ އިތުރުން ފަލަސްތީނާއި އިޒްރާއީލްގެ މައްސަލަ އަށް ސުލްހަވެރި ހައްލެއް ހޯދުމަށް ރާއްޖެއިން އެދެނީ އެ ދެ ގައުމުގެ ރައްޔިތުންނަށް ވެސް ސުލްހަވެރި ކަމުގައި ދިރިއުޅެވޭނެ މާހައުލެއް ތަނަވަސްވުމަށް ކަމަށް ވަނީ ބުނެފަ އެވެ.
އދ. ގެ މެމްބަރު ގައުމުތަކާއި ސެކިއުރިޓީ ކައުންސިލުން ފަލަސްތީނާއި އިޒްރާއީލްގެ މައްސަލަ އަށް ސުލްހަވެރި ހައްލެއް ހޯދުމަށް ކުރަމުން އަންނަ މަސައްކަތްތައް ދެ ގުނަ އަށް އިތުރު ކުރުމަށް ވެސް ރާއްޖޭން އަންގާރަދުވަހު ގޮވާލިއެވެ.
