ރާއްޖެއާ އެމެރިކާގެ ހީނާރުވެފައިވާ ގުޅުން ބަދަހިކުރާނެ ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
މިނިސްޓަރު ޝާހިދު އަންގާރަ ދުވަހު އެމެރިކާއަށް ވަޑައިގަންވާ ކުރެއްވި ޓްވީޓެއްގައި ވިދާޅުވީ ރާއްޖެ އެމެރިކާއާއެކު އޮތް ގުޅުން ހީނާރުވެފައިވާތީ އެގުޅުން ވަރުގަދަ ކުރުމަށް މަސައްކަތް ކުރާނެ ކަމަށާއި، ކަމާބެހޭ މުއައްސަސާތަކާއެކު މަޝްވަރާތައް ކުރިއަށް ގެންދާނެ ކަމަށެވެ.
އެގޮތުން ޔޫއެސްގެ ސްޓޭޓް ޑިޕާޓްމެންޓްއާ ޔޫއެސް ޓްރެޜަރީ އަދި ޔޫއެސް އެއިޑް އާއެކު މަޝްވަރާތައް ކުރިއަށް ގެންދާނެ ކަމަށެވެ.
މިނިސްޓަރު ޝާހިދު ވިދާޅުވީ މިދަތުރުގައި އެމެރިކާ ތިންކްޓޭންކެއް ކަމަށްވާ ސެންޓަރ ފޯ ސްޓްރެޓިޖިކް އެންޑް އިންޓަރނޭޝަނަލް ސްޓަޑީސްއަށް ޒިޔާރަތް ކޮށް އިންޑިއާ ކަނޑުގެ ސަރަހައްދުގެ ސަލާމަތާ ބެހޭ ގޮތުން ވާހަކަދައްކަވާނެ ކަމަށެވެ.
Just arrived in Washington DC. Will hold discussions with @StateDept, @USTreasury , @USAID. We are committed to placing the Maldives-US relationship back on a firm footing.
— Abdulla Shahid (@abdulla_shahid) January 22, 2019
I will b visiting @CSIS to give a talk on the Indian Ocean security
މިދަތުރުފުޅުގައި އދ. ސަލާމަތީ މަޖިލީހުގައި މޫސުމަށް އަންނަމުންދާ ބަދަލުތަކާއި ބެހޭ ގޮތުން ވެސް މިނިސްޓަރު ވާހަކަދައްކަވާނެއެވެ.
މިއީ ޝާހިދު ފޮރިންގ މިނިސްޓްރީކަމާއި ހަވާލުވެޑައިގެންނެވިފަހުން އެމެރިކާއަށް ކުރައްވާ ފުރަތަމަ ރަސްމީ ދަތުރުފުޅެއެވެ. މިދަތުރުފުޅަށްފަހު މިނިސްޓަރު ޝާހިދު ވަޑައިގަތުމަށް ހަމަޖެހިފައިވަނީ އިނގިރޭސިވިލާތައްށެވެ.
