ރ. ރަސްމާދޫ ކައިރިއަށް ހުއިފިލަނޑާ ނަގަން ފޭބި ރ ދުވާފަރު، ފެހިހިޔާގޭ އަބްދުﷲ އާދަމް ގެއްލިގެން ހޯދަމުން ދަނިކޮށް ފެނިއްޖެއެވެ.
ހުއިފިލަނޑާ ނަގަން އާދަމް ފޭބީ ބުދަ ދުވަހުގެ ހެނދުނުއެވެ. އޭނާ ފެނުނުއިރު ހާލު ރަނގަޅުކަމަށް އެމްއެންޑީއެފުން ބުނެއެވެ.
ފުލުހުން ބުނީ އެމީހާ ހޯދަމުން ދަނިކޮށް ފެނިފައިވަނީ ބުދަ ދުވަހުގެ މެންދުރު 12:06 ހާއިރު ކަމަށެވެ. އެމީހާ ފެނިފައިވަނީ ރ.އަތޮޅުގެ ފަޅުރަށެއް ކަމަށްވާ ދިއްކުރެންދޫގައި ހުއްޓައެވެ.
އަބްދުﷲ އާދަމް ގެއްލިގެން ފުލުހުން ހޯދަން ފަށާފައިވަނީ ބުދަ ދުވަހުގެ 10:25 ހާއިރުއެވެ. ފުލުހުން ބުނީ އާދަމް ދުވާފަރަށް ގެންދިއުމުގެ މަސައްކަތް ކުރަމުންދާ ކަމަށެވެ.
