ނައިބު ރައީސް ފައިސަލް ނަސީމު ހަފްތާއެއްގެ ތެރޭގައި ހިލާލީގެއަށް ބަދަލުވެވަޑައިގަތުމުގެ ތައްޔާރީތައް ފައްޓަވައިފިއެވެ.
ރާއްޖެއެމްވީއަށް އެނގިފައިވާ ގޮތުގައި ހިލާލީގެއަށް ބަދަލުވެވަޑައިގަތުމަށްޓަކާ އެގެއަށް ގެންނަންޖެހޭ ބަދަލުތައް ގެނައުމުގެ މަސައްކަތް ސަރުކާރުން ދަނީ ގެންނަމުންނެވެ. އެ މަސައްކަތް ނިންމައި މި ފެށޭ ހަފްތާގައި ނައިބު ރައީސް އެގެއަށް ބަދަލުވެވަޑައިގަންނަވާނެއެވެ.
ރައީސުލްޖުމްހޫރިއްޔާގެ ނާއިބުގެ ރަސްމީ ގެކޮޅަށް މި އަހަރު ހަރަދު ކުރުމަށް ބަޖެޓްކޮށްފައި ވަނީ 2.5 މިލިއަން ރުފިޔާއެވެ. ރައީސް ސޯލިހުގެ ރަސްމީ ގެކޮޅަށް މިއަހަރު ހަރަދު ކުރުމަށް ބަޖެޓްކޮށްފައި ވަނީ 31.5 މިލިއަން ރުފިޔާއެވެ.
