ޒުވާނުން ވިޔަފާރީގެ ތެރެއަށް ވެއްދުމަށް ކޮންމެ ހަފްތާ ބަންދެއްގައި ބާއްވާ ''ހަފްތާ ރެސް'' މާކެޓްގައި މިއުޒިކް ޝޯވ ބާއްވާތީ މަޝްހޫރު ދީނީ އިލްމުވެރިޔާ ޑރ. މުހައްމަދު އިޔާޒު ނުރުހުންފާޅު ކުރައްވައިފިއެވެ.
ޑރ އިޔާޒު ކުރެއްވި ޓްވީޓެއްގައި ވިދާޅުވީ އިޝާ ނަމާދަށްފަހު މުހިންމު ކަމެއް ނެތް ނަމަ އަވަހަށް ދިނުމަށް މިއުންމަތުގެ ރަސޫލާ މުހައްމަދުގެފާނު އިރުޝާދު ދެއްވާފައިވާ ކަމަށެވެ. އެހެންކަމުން ''ހަފްތާ ރެސް'' ނުވަތަ ''ހަފްތާ ނިންމުން'' ނުވަތަ އެނޫން ނަމެއްގައި ވެސް ރޭގަނޑު 12 ޖަހަންދެން މިއުޒިކް ޝޯވ ބޭއްވުމަކީ ބަލައިގަނެވޭނެ ކަމެއް ނޫން ކަމަށް އޭނާ ވިދާޅުވިއެވެ.
ރައީސް އިބްރާހިމް މުހައްމަދު ސޯލިހުގެ ސަރުކާރު ގެނައުމަށް މަސައްކަތް ކުރެއްވީ ވަރަށް ފޮނި އުންމީދުގައިކަން ފާހަގަ ކުރައްވަމުން ޑރ. އިޔާޒު ވަނީ ކުރީގެ ސަރުކާރުން ހިންގިފަދަ މުޑުދާރު އަމަލުތައް ނުކުރެއްވުމަށް ގޮވާލައްވާފައެވެ.
Mi sarukaaru genaumah alhugadu men masakkaiy kuree v foni ummeedhu thakakaai ekugai. Kureege sarukaarun hingi fadha mududhaaru amalu thah nukurevvun edhen. @ibusolih @FaisalNasym @AhmedMahloof
— Dr Mohamed Iyaz (@dr_iyaz) December 24, 2018
ހަފްތާ ރެސް އަކީ ޔޫތް މިނިސްޓްރީން ޒުވާނުން ވިޔަފާރީގެ ތެރެއަށް ވެއްދުމަށް ކުރާ މަސައްކަތުގެ ދަށުން ކޮންމެ ހަފްތާ ބަންދެއްގައި ބާއްވާ މާކެޓެކެވެ. ޑިސެމްބަރު 28 ގައި ފަށާ މިމާކެޓުން އަގު ހެޔޮކޮށް އެއްޗެހި ގަންނަން ލިބޭއިރު، މިއުޒިކްގެ އިތުރުން ތަފާތު ހަރަކާތްތައް ބޭއްވުމަށް ވަނީ ނިންމާފައެވެ.
