ފުލުހުންގެ ސްޕޯކްސްޕާސަނަކަށް ޗީފް އިންސްޕެކްޓަރ އިޒްމިއާ ޒާހިރު އައްޔަން ކުރައްވައިފިއެވެ.
މިއީ ފުލުހުންގެ ސްޕޯކްސްޕާސަނަކަށް އަންހެން ބޭފުޅަކު އައްޔަން ކުރެއްވި ފުރަތަމަ ފަހަރެވެ.
ފުލުހުންގެ ސްޕޯކްސްޕާސަނަކަށް އިޒްމިއާ އައްޔަން ކުރެއްވުމަށް ފަހު އެކްޓިން ޕޮލިސް ކޮމިޝަނަރު މުހައްމަދު ހަމީދު (އެމްސީ ހަމީދު) ކުރެއްވި ޓްވީޓެއްގައި ވިދާޅުވީ އިޒްމިއާއަކީ ސިންގަޕޫރުގެ ނެޝަނަލް ޕޮލިސް އެކަޑަމީން މާސްޓާސް ޑިގްރީ ހާސިލުކޮށްފައިވާ ފުލުހެއް ކަމަށެވެ.
އެމްސީ ހަމީދު ވިދާޅުވީ ފުލުހުންގެ މަގުސަދަކީ މީޑީއާ އާއި އާންމުންނާ އެކު ގާތް ގުޅުމެއް ބާއްވައި ރަނގަޅު މަސައްކަތެއް ކުރުން ކަމަށެވެ.
MPS just appointed its first woman spokesperson. Chief Inspector of Police Izmia Zahir: a graduate of the Singapore National Police Academy and holds a Masters Degree in Peace and Conflict Studies. Our intent is to engage with media & the public in more positive ways. pic.twitter.com/N5hrfRY5j4
— Mohamed Hameed (@M_Hameedh) December 19, 2018
ފުލުހުންގެ ސްޕޯކްސްޕާސަނަށް އައްޔަން ކުރެއްވި އިޒްމިއާއަކީ ރައްޔިތުންގެ މަޖިލީހުގެ ކުރީގެ ރައީސް ސީނާ އަހުމަދު ޒާހިރުގެ ދަރިކަނބަލެކެވެ. އަދި އޭނާއަކީ ހައި ކޯޓުގެ ކުރީގެ ފަނޑިޔާރު ޑރ. އަޒްމިރަލްދާ ޒާހިރުގެ ކޮއްކޯފުޅެވެ.
