އެމެޖެންސީގައި ގުޅޭނެ ނަންބަރެއް ގާއިމުކުރަންޖެހޭ ކަމަށް ޑިފެންސް މިނިސްޓަރު މާރިޔާ އަހުމަދު ދީދީ ވިދާޅުވެއްޖެއެވެ.
މިނިސްޓަރު މާރިޔާ މިއަދު ކުރެއްވި ޓްވީޓެއްގައި ވިދާޅުވީ ބޭރު ގައުމުތަކުގައި އެމެޖެންސީ ހާލަތްތަކުގައި ގުޅޭ ކަހަލަ ނަންމަބަރެއް ރާއްޖޭގައި ވެސް ގާއިމުކުރަންޖެހޭ ކަމަށެވެ. އަދި ހަމައެއާ އެކު އެމަޖެންސީ ހާލަތްތަކުގައި ފަޔާ އެންޑް ރެސްކިޔުގެ އިތުރުން ހޮސްޕިޓަލްތަކަށް އެއް ނަންބަރަކުން ގުޅޭނެ އިންތިޒާމެއް ހަމަޖައްސަން ޖެހޭ ކަމަށް މިނިސްޓަރު ވިދާޅުވިއެވެ.
އެގޮތުން ހިނގާ އަލިފާނުގެ ހާދިސާތަކުގެ އިތުރުން ދިމާވާ ސިއްހީ ހާލަތްތަކުގައި ގުޅޭނެ އިންތިޒާމެއް ހަމަޖެހެން ޖެހޭ ކަމަށް ރާއްޖޭގެ ފުރަތަމަ އަންހެން ޑިފެންސް މިނިސްޓަރުގެ ޓްވިޓާގައި ވެއެވެ.
We have to hold those negligent accountable; create awareness amongst the public on how to handle such accidents in emergencies. We have to find a way to have 1 number to call in emergencies like 911 who can direct to hospital, fire, etc. My prayers are with the little girl https://t.co/K3lnQFx4VT
— Mariya Didi (@MariyaDidi) December 17, 2018
މިނސްޓަރު ވިދާޅުވީ، މި ފަދަ ހަދިސާތައް ހުއްޓުވުމަށްޓަކައި އާއްމުން ހޭލުންތެރި ކުރުވަންޖެހޭ ކަމަށެވެ. ކުއްލި ހާލަތުގައި ދިމާވާ ކަންތައްތަކަށް ގުޅޭނެ ނަންބަރެއް އޮތުން އެއީ މުހިއްމު ކަމެއް ގޮތުގައި މިނިސްޓަރު ވަނީ ފާހަގަކުރައްވާފައެވެ.
އާދިއްތަ ދުވަހު، ހަދަމުން ދިޔަ އިމާރަތަކުން ސިމެންތި ބަސްތާއެއް ބޮލަށް ވެއްޓި ހިނގި ހިތާމަވެރި ހަދިސާގައި އުމުރުން ނުވަ އަހަރުގެ ކުއްޖަކަށް އައިޖީއެމްއެޗްގައި ފަރުވާދެމުންދަނިކޮށް ވަނީ މިއަދުގެ ވަގުތެއްގައި ނިޔާވެފައިއެވެ.
