ކޮންސްޓްރަކްޝަން މަސަތްކަތް ކުރާ މީހުންނާއި, އާންމުންނަށް ރައްކާތެރިކަން ކަށަވަރު ކޮށްދިނުމައްޓަކައި އެ މަސައްކަތް ކުރާ ހުރިހާ ތަންތަނުގެ ސަލާމަތީކަންކަން އަލުން ބަލައި ފިޔަވަޅު އަޅަންޖެހޭ ފަރާތްތަކާމެދު ފިޔަވަޅު އަޅުއްވަމުން ގެންދެވުމަށް ކަމާބެހޭ އިދާރާތަކަށް ރައިސުލް ޖުމްހޫރިއްޔާ އިބްރާހިމް މުހައްމަދު ސޯލިހު އަންގަވައިފިއެވެ.
ހަދަމުންދާ އިމާރާތަކުން ސިމެންތި ގޯންޏެއް ވެއްޓި ކުޑަ ކުއްޖަކަށް އަނިޔާވުމާ ގުޅިގެން އާދިއްތަ ދުވަހު އިންޑިއާގައި ހުންނަވާ ރައީސް ސޯލިހު ކުރެއްވި ޓްވީޓެއްގައި ވިދާޅުވީ، މަސަތްކަތްކުރާ މީހުންނާއި، އާންމުންގެ ރައްކާތެރިކަން ކަށަވަރު ކޮށްދިނުމައްޓަކައި ގަވާއިދުތަކެއް ހަދައި ހަރުކަށި ފިޔަަވަޅު އެޅަންޖެހޭ ކަމަށެވެ.
I have ordered an immediate review of safety procedures, and inspection of all construction sites in Male’ so that more stringent measures may be put in place for the safety of workers and the general public. My thoughts and prayers are with the little girl and her family. pic.twitter.com/FP2FMLvrEZ
— Ibrahim Mohamed Solih (@ibusolih) December 16, 2018
ރައީސް ސޯލިހު ވަނީ މި ހާދިސާގައި އަނިޔާވި ކުއްޖާއަށް އަވަސް ޝިފާއަށް އެދި ދަންނަވައި އާއިލާއަށް ތައުޒިޔާ ފޮނުއްވާފައެވެ .
ނަލަހިޔާ ސަރަހައްދުގައި ކޮންސްޓްރަކްޝަން ކުރަމުންދާ އިމާރާތަކުން ކުޑަ އަންހެން ކުއްޖެއްގެ ބޮލަށް ސިމެންތި ގޯންޏެއްވެއްޓި ވަނީ ބޮޑެތި އަނިޔާތަކެއް ވެފައެވެ. މި ހާދިސާއާއި ގުޅިގެން މާލެ ސިޓީ ކައުންސިލުން މިއަދު ވަނީ މާލޭގައި އިމާރާތްކުރުމުގެ ހުއްދަ ދޫކުރުން ވަނީ ވަގުތީ ގޮތުން ހުއްޓައިފައެވެ.
