މިނިސްޓަރ އޮފް ޔޫތު ސްޕޯޓްސް އެންޑް ކޮމިއުނިޓީ އެމްޕަވަމަންޓް، އަހުމަދު މަހްލޫފަކީ އަބަދުވެސް ރައްޔިތުންގެ އުދާސްތަކާއި ކަންބޮޑުވުންތައް އަހައި އޮޅުންފިލުވައި އެކަމަށް ހައްލެއް ހޯދުމަށްޓަކައި ފެށުނީއްސުރެ މަސައްކަތް ކުރައްވާ ބޭފުޅެއްގެ ގޮތުގައި ފާހަގަކުރެވިފައިވާ ބޭފުޅުކެވެ. މިހާރު މިނިސްޓަރެއްގެ މަޤާމުގައި ހުންނެވި ނަމަވެސް އެއްވެސް ބޮޑާކަމެއް އަދި ކިބުރުވެރިކަމެއް ނެތި ކޮންމެ ރައްޔިތަކާއިވެސް ވާހަކަ ދައްކަވާ ބޭފުޅެއް ކަމަށް މަހްލޫފް ދަންނަ ގިނަ މީހުން ބުނެއެވެ.
މިފަހަރުވެސް މަހުލްފޫގެ ފަރާތުން ފެނިގެން ދިޔައީ ހަމަ މިފަދަ މަންޒަރެކެވެ. ހައުސިންގް މިނިސްޓްރީގެ ފަރާތުން މަހްލޫފް ދިރިއުޅުއްވާ ގޭގެ ކުރިމަތީގައި މަހްލޫފްގެ ކާރު ޕާކު ކުރާނެ ޖާގަ ހަދައި، ޕްރައިވެޓް ޕާކިންގ ޒޯން ކަނޑައެޅުމުން ޓުވިޓަރގައި އާންމުން ފަރާތަކުން ވަނީ އެކަމަށް ފާޑު ކިޔާފައެވެ. އަދި ލޮނުޒިޔާރަތް މަގުގެ އެ ސަރަހައްދަކީ މިހާރުވެސް ވެހިކަލްތައް ޕާކު ކުރުމަށްޓަކައި ދަތި ސަރަހައްދެއްކަން އެނާގެ ޓްވީޓްގައި ވަނީ ފާހަގަކޮށްފައެވެ.
@AhmedMahloof This is a very bad thing to do. Parking in this area is already bad enough. Do you even need the car to be parked right infront of your apartment? pic.twitter.com/c5dKDj1ynA
— Razzan (@razzanmv) November 25, 2018
މި ޓްވީޓް ކުރިތާ ގިނަ އިރުތަކެއް ނުވެ، ޓުވީޓަށް ރައްދު ދެއްވާ މިނިސްޓަރ މަހްލޫފް ވިދާޅުވީ އެމަނިކުފާނަށް ވެހިކަލް ޕާކު ކުރަން ދީފައިވާ ސަރަހައްދު، އެހެން ސަރަހައްދަކަށް ބަދަލުކޮށް ދިނުމަށް ރަސްމީކޮށް ހައުސިންގް މިނިސްޓްރީގައި އެދިލައްވާނެ ކަމަށެވެ. އަދި އެކަން މަހްލޫފްގެ ސަމާލުކަމަށް ގެނައުމުން މަހްލޫފް ވަނީ އެމީހާއަށް ޝުކުރު އަދާކުރައްވާފައެވެ.
I will formally ask from the Housing Ministry to relocate the parking area allocated for me and open this space for the public. Thank you for bringing this to my attention. https://t.co/EP5OeeoCRK
— Ahmed Mahloof (@AhmedMahloof) November 25, 2018
މަހްލޫފްގެ މި ރައްދާއި ގުޅިގެން ޓުވިޓަރގައި ވަރަށް ގިނަ އާންމުން ވަނީ މަހްލޫފް އަށް ތައުރީފު ކޮށްފައެވެ. މަހްލޫފަށް ތައުރީފުގެ ބަސްތައް ރައްދުކުރި ބައެއް މީހުން ބުނެފައި ވަނީ މަހްލޫފަށް ކުރަމުންއައި އިހްތިރާމް ކުރިއަށްވުރެ މިހާރު އިތުރުވެއްޖެ ކަމަށެވެ. އަދި އަނެއްބައި މީހުން ބުނެފައިވަނީ "މަހްލޫފް ކަހަލަ މީހުން" މި ޤައުމުގައި މަދު ކަމަށެވެ.
Wow Mahloof I respected you before and I respect you more. I hope the other Ministers parking space also give away for public. Gov should have a private parking space for all Ministers in one place. Drivers paid by Gov can pick n drop them to Office.
— Aisthu (@aisthu) November 25, 2018
