މާލެއަކީ 24 ގަޑިއިރު ކަހަލަ ގޮތަކަށް މީހުން ހޭލާ ވަޒީފާ ތަކުގަޔާއި އަދި އެހެނިހެން ކަންކަމުގައި އުޅޭ ތަނަކަށް ވާއިރު މާލޭ ސިޓީގެ ހޮޓާތަކާއި، ފިހާރަތަކާއި، ކެފޭ އަދި ވިޔަފާރި ކުރާ ތަންތަނުން  24 ގަޑިއިރު ޚިދު މަތް ދިނުމަށް ގިނަ ބަޔަކު އެދެމުން ދެއެވެ. މިއަދު މިއޮތީ އެފަދަ ރައްޔިތުންގެ އެދުންތަކަށް  ނިމުމެއް އައިސްފައެވެ. އެއީ ރާއްޖޭގެ ރައީސުލްޖުންހުރިއްޔާ އިބްރާހިމް މުހައްމަދު ސޯލިހު ރައީސް ކަމާ ހަވާލުވެ ވަޑައިގެން ފުރަތަމަ 100 ދުވަހުގެ އެޖެންޑާގެ 30 ދުވަހުގެ ތެރޭގައި ކުރުމަށް ހަމަޖެހިފައިވާ ކަންތައްތަކުގެ ތެރޭގައި 24 ގަޑިއިރު އާންމު ރައްޔިތުންނަށް ވިޔަފާރި ކުރެވޭ އުސޫލު ކަނޑައެޅުން ހިމެނިގެން ދިއުމުންނެވެ. އަދި މިކަމަކީ ރައްޔިތުންނަށް އެކަމުން އެތައްއެތައް ފަސޭހަތަކެއް ލިބި އެތައް މަންފާތަކެއް ލިބިގެން ދާނެ ކަމަށްގިނަ ރައްޔިތުން ބުނަމުން ދެއެވެ. ބައެއް އާންމު ރައްޔިތުން ދެކޭ ގޮތުގައި މަސައްކަތުގެޑިއުޓީ ނިއްމާލުމަށްފަހު ނުވަތަ އަންހެނުން ގޮވައިގެން ފިނިބުރު ޖަހާލަން ނުކުމެ އުޅޭވަގުތުތަކުގައި ހިތްހަމަ ޖައްސާލުމަށްޓަކައި ކޮފީއެއް އެއްޗެއް ބޯލަން ބޭނުންވާ ވަގުތު މިފަދަ ޚިދުމަތް ދޭ ތަން ތަން ނެތުމުގެ ސަބަބުން ދަތިތަކާ ކުރިމަތި ލާންޖެހޭ ކަމަށް ބުނަމުން ދާއިރު ވިޔަފާރި ކުރާ ތަންތަނާއި ކާބޯ ތަކެތީގެ ޚިދުމަތް ދޭތަންތަން ގިނަ ވަގުތު ހުޅުވާފައި ބެހެއްޓުމުން އެ މީހުންނަށް އާމްދަނީގެ ގޮތުން ބޮޑު ނަފާއެއް ލިބެއެވެ.

"އިބްރާހިމް މުހައްމަދު ސޯލިހުގެ ސަރުކާރުން މިގޮތައް ހަމަޖެއްސުމުގެ ސަބަބުން ވަރަށް އުފަވެފައި އަދި ހިތް ހަމަ ޖެހިފައި މި ހުންނަނީ ދައްތައަކީ ވެސް ރެސްތޯރެންޓެއް ހިންގާ ފަރާތެއް. ރެސްތޯރެންޓެއްގެ ވެރިފާރާތެއް،" ރެސްޓޯރެންޓެއް ހިންގާ ވިޔަފާރި ވެރިއަކު ބުންޏެވެ.

ބައެއް ރައްޔިތުންގެ ވާހަކަތައް މިގޮތަށް ހުރިއިރު މިއާ ވަރަށް ޚިޔާލު ތަފާތު ވިޔަފާރި ވެރިންނާއި އާންމު ރައްޔިތުން ވެސް ތިބިކަން ފާހަގަ ކޮށްލެވެއެވެ. 24 ގަޑިއިރު ކާބޯ ތަކެތީގެ ޚިދުމަތް ދޭތަންތަން ހުޅުވާފައި ބެހެއްޓުމަކީ މުޖުތަމައުގައި ހަމަނުޖެހުން އުފެދޭނެ ކަމެއްގެ ގޮތުގައި ދެކެއެވެ. ވިޔަފާރިވެރިންނާއި ބައެއް އާންމު ރައްޔިތުންނަށް މިހާރު މި އޮންނަ ގަޑި ރަނަގަޅުކަމަށް ވެސް ބުނެއެވެ. އަދި ބޮޑަތި ފިހާރަތަކާއި ސައިހޮޓާފަދަ ތަންތަން 24 ގަޑިއިރު ޙުޅުވާފައި ބެހެއްޓުމަކީ ރަނގަޅު ކަމެއްގެ ގޮތުގައި ދެކޭ ރައްޔިތުންވެސް މަދެކޭ ނުބުނެވޭނެއެވެ.

"24 ގަޑިއިރު ފިހާރަ އަދި ކެފޭ ފަދަ ތަންތަން ޙުޅުވާފައި ބެހެއްޓުމަކީ ރަނގަޅު ކަމެއްގެ ގޮތުގައި އަޅުގަނޑެއް ނުދެކެން އޭގެ ބަދަލުގައި ބޮޑަތި ފިހާރަތައް ހުޅުވާފައި ބަހައްޓަން ފެނޭ" އާންމު ރައްޔިތަކު ބުނެފައި ވެއެވެ.

ރައީސް މުހައްމަދު ނަޝީދުގެ ވެރިކަމުގައި 2010 ވަނަ އަހަރުގެ ޑިސެމްބަރު މަހު ވެސް ވަނީ އިމްޕޯޓް މުދާ ވިއްކާ ތަންތަނާއި، ސައި ހޮޓަލާއި، ރެސްޓޯރެންޓް ފަދަ ތަންތަން 24 ގަޑިއިރު ހުޅުވާފައި ބެހެއްޓުމުގެ ހުއްދަ ދީފަ އެވެ. ނަމަވެސް އެ ހުއްދަ ބާތިލު ކުރެއްވީ ރައީސް މުހައްމަދު ނަޝީދު އިސްތިއުފާ ދެއްވުމާ ގުޅިގެން ވެރިކަމާ ހަވާލުވެވަޑައިގެންނެވި އެ މަނިކުފާނުގެ ނައިބު ޑރ. މުހައްމަދު ވަހީދު ހަސަން މަނިކުގެ ވެރިކަމުގައެވެ.

މީގެ އިތުރުން ވެސް ވިޔަފާރިތަކަށް ފަހި ގޮތްތަކެއް ހަމަޖެއްސުމަށް ކޮންސިއުމާ ޕްރޮޓެކްޝަން ގާނޫނަކާއި އެންޓިޓްރަސްޓް ގާނޫނެއް މަޖިލީހަށް ހުށަހެޅުމަށް ވަނީ ނިންމާފަ އެވެ.