ރައްޔިތުން އެދެފި ނަމަ ރައްޔިތުންގެ މަޖިލީހަށް ކުރިމަތި ނުލުމުގެ ހިތްވަރު އެބަހުރި ކަމަށް ތިމަރަފުށީ ދާއިރާގެ މެމްބަރު މުޙައްމަދު މުސްތަފާ ވިދާޅުވެއްޖެއެވެ.
މުސްތަފާ މިހެން ވިދާޅުވެފައި ވަނީ ގޮނޑި ގެއްލުނު ކަމަށް އީސީން ކަނޑައެޅި 12 މެންބަރުންނަށް ޕްރައިމަރީއަކާ ނުލާ ޓިކެޓް ދޭން އެއްބަސްވެފައި ވާތީ އެކަމަށް ފާޑުކިޔުން އަމާޒުވެފައިވާ ދަނޑިވަޅެއްގައި އެ ވާހަކަތަކަށް ރައްދު ދެއްވަމުންނެވެ.
ގޮނޑި ގެއްލުނު ކަމަށް ކަނޑައެޅި 12 މެމްބަރުންނަށް އަމާޒުވި ފާޑު ކިޔުންތަކަށް ރައްދު ދެއްވައި މުސްތަފާ ވިދާޅުވީ އޭނާއަކީ ޕްރައިމަރީއަށް ބިރު ގަންނާނެ މީހެއް ނޫން ކަމަށެވެ.
މުސްތަފާ ވިދާޅުވީ ރައްޔިތުން ބޭނުންނަމަ މަޖިލީހަށް ކުރިމަތި ނުލުމުގެ ހިތްވަރާއި ކެރުން ވެސް މުސްތަފާގެ ހުންނާނެ ކަމަށެވެ. އޭނާ އިތުރަށް ވިދާޅުވީ ތިމަރަފުށީގެ ބިން ހިއްކިއްޖެ ކަމަށާއި ނަރުދަމާ އާއި ފެނުނުގެ ޚިދުމަތް ވެސް ފެށިއްޖެ ކަމަށެވެ.
ތިމަރަފުށީގެ މަސައްކަތްތަކަށް އަލިއަޅުވާ ލައްވަމުން މުސްތަފާ ވިދާޅުވީ މިހާރު ކުރަން އޮތް މަސައްކަތަކީ ތިމަރަފުށީގެ މަގުތައް ހެދުން ކަމަށެވެ. އަދި އެ މަސައްކަތް މި ސަރުކާރުން ކުރާނެ ކަމަށާއި މަގުތައް ހެނދުމަށް ބޭނުންވާ 100 މިލިއަން ރުފިޔާ އަންނަ އަހަރުގެ ބަޖެޓުގައި ހިމަނާފައިވާނެ ކަމަށް ވެސް މުސްތަފާ ވިދާޅުވިއެވެ.
Rahyithun edhefinama Majilis ah kurimathi nulumuge hihvaraa kerun ves Musthafa ge hunnaane, TMF ge bin hihkihjje. Narudhamaa levihjje. Fen levihjje, dhen othee magu thah hedhun mi sarkaaru ekan ves kuruvaanan mi haaru ves innaanee magu thakah 100 million rufiyaa budget ah laafa
— Mohamed Musthafa (@Thimarafushi) November 8, 2018
މުސްތަފާ ވިދާޅުވީ އޭނާއަކީ 2009 ވަނަ އަހަރުގެ ފަހުން އެންމެ ގިނައިން މަޖިލިސް އިންތިހާބުގައި ވާދަކޮށް، އަދި ކޮންމެ ދައުރެއްގައި ގޮނޑި ގެއްލޭ ވެސް ފަރާތެއް ކަމަށެވެ.
މުސްތަފާ ވިދާޅުވީ ރައްޔިތުންގެ ޙައްޤުތައް ހޯދައި ދެވޭނީ މަޖިލިސް މެމްބަރުންނަށް އޭނާއަކީ މެމްބަރެއްކަން އެނގިގެން ކަމަށެވެ. އަދި މެމްބަރުންނަކީ ރައްޔިތުންގެ ޙައްޤުތައް ހޯދައިދިނުމުގެ ޒިންމާ ބޮލުގައި އަޅައިގެން ތިބި ބައެއް ކަން ދަންނަންޖެހޭނެ ކަމަށް މުސްތަފާ ވިދާޅުވިއެވެ.
Rahyithunge haggu thah Rahyithunah hodha dhinumah MP akah viyas eii konme meehakah kureveyvaruge kameh noon, Rahyithunge haggu thah hodha dhinumah kuri mathilaan jehenee seedhaa RJ aai. MP eh gaiga RJ aai kurimathilumuge hivaraa kerumaa qaabilu kan hunnavaane.
— Mohamed Musthafa (@Thimarafushi) November 9, 2018
މަޖްލިސް މެމްބަރަކަށް ވިޔަސް ރައްޔިތުންގެ ޙައްގުތައް ހޯދައިދިނުމަކީ ކޮންމެ ކޮންމެ މީހަކަށް ކުރެވޭނެ ކަމެއް ނޫން ކަމަށާއި ރައްޔިތުންގެ ހައްގުތައް ހޯދައިދިނުމަށް ކުރިމަތިލާން ޖެހޭނީ ސީދާ ރައީސުލްޖުމްހޫރިއްޔާ އާ ކަމަށް މުސްތަފާ ވިދާޅުވިއެވެ.
މުސްތަފާ ވިދާޅުވީ ސީދާ ރައީސުލްޖުމްހޫރިއްޔާ އާއި ކުރިމަތިލުމުގެ ހިތްވަރާއި ކެރުމާއި ކުރިމަތިލުމުގެ ޤާބިލުކަން މަޖިލީހުގެ މެމްބަރެއްގެ ގައިގައި ހުންނަންޖެހޭނެ ކަމަށެވެ.
ރައީސުލްޖުމްހޫރިއްޔާ ހަމަ މަގުން ކައްސާލައިފިނަމަ ރައީސް ޔާމީނާއި ދެކޮޅަށް ތެދުވިހެން، ތެދުވުމުގެ ޤާބިލުކަން ހުންނަންޖެހޭނެ ކަމަށް ވެސް މުސްތަފާ ވިދާޅުވިއެވެ.
ސޯޝަލް މީޑިއާގައި ވަރަށް ބޮޑަށް 12 މެންބަރުންނަށް ފާޑުކިޔުން އަމާޒުވި އެވެ. އެ މެންބަރުން އުޅުއްވަނީ ޕްރައިމަރީ ނޫނީ ވޯޓު ދެކެ ބިރުން ކަމަށާއި "ތަބަކަށްލާފައި" ޓިކެޓް ދިނުމަކީ ޑިމޮކްރަސީއާ ހިލާފު ކަމެއް ކަމަށް މީހުން ދަނީ ބުނަމުންނެވެ.
މަޖްލިސް ޓިކެޓްގެ މައްސަލައިގައި 12 މެމްބަރުންނަށް ފާޑު ކިޔުން އަމާޒްވިޔަސް އެ ފާޑުކިޔުންތަކާ ގުޅިގެން މިހާތަނަށް ރައްދު ދެއްވާފައިވަނީ މުސްތަފާ އެކަންޏެވެ.
