ވޯޓު ކަރުދާސް ނައްތާލާފައިވަނީ ގާނޫނުން ވޯޓު ކަރުދާސް ބެހެއްޓުމަށް ލާޒިމް ކުރާ މުއްދަތަށް ވުރެ ހަތް ދުވަސް ފަހުން ކަމަށް އިލެކްޝަންސް ކޮމިޝަނުގެ ރައީސް އަހުމަދު ޝަރީފު ވިދާޅުވެއްޖެއެވެ.
ޝަރީފު ކުރެއްވި ޓްވީޓެއްގައި ވިދާޅުވީ، ވޯޓު ކަރުދާހާ ގުޅޭ މައްސަލައެއް ކޯޓަށް ހުށަހެޅިފައިވާ ކަމެއް ފުލުހުން ތަހުގީގު ކުރަމުންދާ ކަމަށް އެކޮމިޝަނަށް އަންގާފައި ނުވާ ކަމަށެވެ.
Vote karudhaas EC in nahthaalaafa vanee qaanoonun vote karudhas behehtun laazim kuraa muhdhathu hamave 7 dhuvas fahun, vote karudhaahaa gulhey massalaeh court ah hushaelhifa vaakameh, police in ekamaa gulhun huri kameh thahugeeg kuramun dhaa kamah EC ah engifa neh,angaafa ves neh
— Ahmed Shareef (@ShareefRangondi) November 6, 2018
އިލެކްޝަންސް ކޮމިޝަނުގެ ރައީސް ޝަރީފު މިހެން ވިދާޅުވެފައިވާ އިރު ވޯޓު ކަރުދާސްތައް ނައްތާލާފައިވާތީ ފުލުހުންވަނީ ޝަރީފު އެއިދާރާއަށް ހާޒިކޮށް ސުވާލުކުރައްވާފައެވެ.
އަންގާރަ ދުވަހު ބޭއްވި ޕްރެސް ކޮންފަރެންސްގައި ވާހަކަދައްކަވަމުން ޝަރިފު ވިދާޅުވީ، ވޯޓު ކަރުދާސް ޝްރެޑް ކޮށްގެން ނައްތާލުމުގެ މަސައްކަތް ކަރަމުންދާ ކަމަށެވެ.
ވޯޓު ކަރުދާސްތައް ނައްތާލުމާ ގުޅިގެން ޕީޕީއެމް އިން ނެރުނު ބަޔާނުގައި ބުނެފައިވަނީ ވޯޓު ކަރުދާސްތަކަކީ އިލެކްޝަންސް ކޮމިޝަނާއި ފުލުހުން ގުޅިގެން ބަލަހައްޓަންޖެހޭ އަމާނާތެއް ކަމަށެވެ. ނަމަވެސް އިންތިހާބާ ގުޅޭ މައްސަލަތަކެއް ތަހުގީގު ކުރަމުންދާ ވަގުތެއްގައި އެ ކަރުދާސް ނައްތާލުމަކީ ބޮޑު ޖަރީމާއެއް ކަމަށް އެޕާޓީން ބުނެއެވެ.
