ކުރީގެ ރައީސް މުހައްމަދު ނަޝީދު މިނިވަން ކުރެއްވުމަށް ރައީސް ޔާމީންގެ އަރިސްބޭފުޅުންގެ ތެރޭގައި ހިމެނިވަޑައިގަންނަވާ ގިނަ ރައްޔިތުންގެ މަޖިލީހުގެ މެމްބަރުން ސޮއި ކުރައްވައިފިއެވެ.
އެ ގަރާރުގައި ބުނެފައިވަނީ ނަޝީދަށް ހުކުމް ކޮށްފައިވަނީ ރާއްޖެ ބައިވެރިވެފައިވާ މުއާހަދާތަކާ ހިލާފަށް ކޮށްފައިވާ ޝަރީއަތަކުން ކަމަށްވާތީ ރައީސް ނަޝީދު ވަގުތުން މިނިވަން ކުރަން ޖެހޭ ކަމަށެވެ.
ރައީސް ނަޝީދު މިނިވަން ކުރެއްވުމަށް ސޮއި ކުރެއްވި ރައީސް ޔާމީނާއި އަރިސް ބޭފުޅުންނަކީ :
- ފަރެސް މާތޮޑާ ހުސައިން މުހައްމަދު ލަތީފު،
- މުއާޒު މުހައްމަދު ރަޝީދު މަޑަވެލި ދާއިރާ،
- އަހްމަދު މުބީން ބިލެތްދޫ ދާއިރާ،
- އިބްރާހިމް ސުޖާއު ބާރަށު ދާއިރާ،
- އަބްދުﷲ ޔާމީން ރަޝީދު ވެލިދޫ ދާއިރާ،
- އަހުމަދު ރަޝީދު އިބްރާހިމް އިސްދޫ ދާއިރާ،
- ނާޒިމް ރަޝާދު ތުޅާދޫ ދާއިރާ،
- ރިޔާޒު ރަޝީދު ވިލުފުށީ ދާއިރާ،
- އަހްމަދު ސަލީމު އޭދަފުށީ ދާއިރާ،
- އަހްމަދު ރަޝީދު ގައްދޫ ދާއިރާ،
- އަހްމަދު އަޒްހާން ފަހުމީ މާވަށު ދާއިރާ،
- ހުސައިން މަނިކު ދޮންމަނިކު ގުރައިދޫ ދާއިރާ.
ނަޝީދު މިނިވަން ކުރުމަށް ގޮވާލައި ގަރާރެއް ހުށަހަޅާފައިވަނީ މިމެެންބަރުންނާއިއެކު ޖުމްލަ 49 މެމްބަރުންގެ ސޮޔާއެކުގައެވެ.
Submitted resolution to Parliament, calling for the implementation of the UNWGAD and UN Human Rights Committee decisions calling for the release of President @MohamedNasheed. Submitted with cross- party support, with 49 signatures. pic.twitter.com/mTIErm8mGb
— Eva Abdulla (@evattey) October 24, 2018
ކްރިމިނަލް ކޯޓުގެ އިސް ގާޒީ އަބްދުﷲ މުހައްމަދު ރަހީނުކުރި ކަމަށް ބުނެ ރައީސް ނަޝީދުގެ މައްޗަށް ވަނީ ޓެރަރިޒަމްގެ ދައުވާ ސާވިތުކޮށް 13 އަހަރުގެ ޖަލު ހުކުމެއް އިއްވާފަ އެވެ. ނޮވެމްބަރު 1 ގައި ރައީސް ނަޝީދު ރާއްޖެ ވަޑައިގަންނަވާނެ އެވެ. އެމްޑީޕީއިން ބުނެފައިވާ ގޮތުގައި އެމަނިކުފާނު ރާއްޖެ ވަޑައިގަންނަވާނީ މިނިވަނެއްގެ ގޮތުގައި ކަމަށެވެ.
