ދިވެހި ގައުމަށް ހަމަޖެހުން ލިބޭނީ ރައީސް މުހައްމަދު ނަޝީދާއި އަދާލާތު ޕާޓީގެ ރައީސް ޝެއިހް އިމްރާން އަބްދުﷲ އަށް އިއްވާފައިވާ ސިޔާސީ ހުކުމަށް ވެސް އިންސާފު ލިބިގެން ކަމަށް ރައްޔިތުންގެ މަޖިލީހުގެ ވިލިގިނލީ ދާއިރާގެ މެމްބަރު ސައުދު ހުސައިން ވިދާޅުވެއްޖެއެވެ.
ސައުދު ކުރެއްވި ޓްވީޓެއްގައި ވިދާޅުވީ ގައުމަށް ހަމަޖެހުން ލިބޭނީ ރައްޔިތުން ފަހްރުވެރިވާ ހަތަރު ލީޑަރުންނަށް އިންސާފުލިބި މިނިވަން ވުމުން ކަމަށެވެ.
އަދި ރައީސް ނަޝީދާއި ޝެއިހް އިމްރާންއަށް ކޮށްފައިވާ ސިޔާސީ، ބޭއިންސާފް، އަނިޔާވެރި ހުކުމަށް އިންސާފް ހޯދައިދީގެން ކަމަށާއި އެދެލީޑަރުން ވަގުތުން މިނިވަން ކުރުމަށް ސައުދު ވަނީ ގޮވާލައްވާފައެވެ.
Dhivehi gaumah hamajehun libeynee rayyithun ebayakattakai fakhuruverivaa 4 leaderunnah insaaf libi, minivan vumun. Raees @MohamedNasheed aai @ShimranAb ah koffaivaa siyaasee beyinsaaf aniyaaveri hukumah insaaf hoadhai dhee vaguthun e 2 leaderun minivan kurumah govaalan! pic.twitter.com/vNpNlCvYRk
— Saud Hussain MP (@SaudVillingili) October 22, 2018
ހަތަރު ލީޑަރުންގެ ތެރެއިން ރައީސް މައުމޫނު އަބްދުލް ގައްޔޫމާއި، ޖުމްހޫރީ ޕާޓީގެ ކުރީގެ ލީޑަރު ގާސިމް އިބްރާހިމް ވަނީ ކޯޓުން މިނިވަން ކޮށްފައެވެ. ޝައިޚް އިމްރާން މިވަގުތު ގޭބަންދުގައި ހުންނެވިއިރު ރައީސް ނަޝީދު އުޅުއްވަނީ އިނގިރޭސިވިލާތުން ސިޔާސީ ޙިމާޔަތް ހޯއްދަވައިގެން ޤައުމުން ބޭރުގައެވެ.
