މަޤާމުން ދުރަށް ވަޑައިގަންނަވާ އަބްދުﷲ ޔާމީނަކީ ޤައުމު ދޫކުރައްވާ ފިއްލަވާނެ ބޭފުޅެއް ނޫންކަމަށް ޕީޕީއެމްގެ ނައިބް ލީޑަރު އަބްދުއްރަހީމް އަބްދުﷲ ވިދާޅުވެއްޖެ އެވެ.
ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރުކަންވެސް ކުރައްވާ އަބްދުއްރަހީމް ކުރެއްވި ޓުވީޓެއްގައި ވިދާޅުވީ، ރައީސް ޔާމީނަކީ ޤައުމު ދޫކުރައްވާ ފިއްލަވާނެ ބޭފުޅެއް ނޫން ކަމަށެވެ. އަދި ރައީސް ޔާމީން އަބަދުވެސް މަސައްކަތްކުރައްވާނީ އުސޫލުތަކުގެ ތެރެއިން ޤައުމާއި ރައްޔިތުންގެ ހައްޤުގައި ކަމަށް އޭނާ ވިދާޅުވި އެވެ.
އަބްދުއްރަހީމް ވިދާޅުވީ ރައީސް ޔާމިން ޤާނޫނީ އިމުގެ ބޭރަށް ވަޑައިނުގަންނަވާނެ ކަމަށެވެ. އަދި އިސްކުރައްވާނީ ދީނާއި ޤައުމިއްޔަތުކަމަށާއި، އެމަނކުފާނު ހުންނަވާނީ ރައްޔިތުންނާއެކުގައި ކަމަށެވެ.
ރައީސް ޔާމީނަށް ތައުރީފްކުރައްވާ ކުރެއްވި އިތުރު ޓުވީޓެއްގައި އަބްދުއްރަހީމް ވިދާޅުވީ ދިވެހި ތާރީހް ދުށް އެންމެ ހިދުމަތްތެރި ރައީސަކީ، ރައީސް ޔާމީން ކަމަށެވެ. އަދި ރައީސް ޔާމީނަކީ ޤާނޫނު ނަގަހައްތާ ދެމެހެއްޓުމާއެކު އަމިއްލަވަންތަ ސިފަތަކެއްހުރި، ޤައުމު ބިނާކުރެއްވި ބޭފުޅޭއްކަމަށްވެސް އޭނާ ވިދާޅުވި އެވެ.
RY akee Gaumu dhookurahvaa fihlavaane beyfulheh noon. RY abadhuves masahkaiy kurahvaanee usoolu thakuge therein Gaumaa Rayyithun ge Hagguga.Qaanoonee imun beyrakah vada’eh nugannavaane. Is kurahvaanee dheenaa gaumiyyathu. Hunnavaanee Rayyithunnaa eku @VaguthuOnline @Ch13official
— Abdul Raheem Abdulla (@Banafsaa) October 17, 2018
Dhivehi thaareekh’u dhuh enme kh’idhumaiytheri Ra’ees akee RY.Qaanoon nagahattaa dhemehettumaa’eku amilla vantha sifa thakeh huri Gaumeh binaa kurehvumah dhevvi iskan faahaga kurevey.Gaumu dhemi oiy haa hin’dhaku E manikfaanuge Kh’idhumathah fan’du kameh naannaane.@VaguthuOnline
— Abdul Raheem Abdulla (@Banafsaa) October 17, 2018
ރައީސް ޔާމީނަކީ ފިއްލަވާނެ ބޭފުޅޭއް ނޫންކަމަށް އަބްދުއްރަހީމް ވިދާޅުވިއިރު، ރައީސް ޔާމީން ވަނީ އެމަނިކުފާނުގެ ވަދާއީ ހިތާބު އިއްވަވާފަ އެވެ. އެ ހިތާބުގައި އެމަނިކުފާނު ވަނީ އެމަނިކުފާނާއިމެދު ކަންތައްތައް ކުރައްވާއިރު، އެމަނިކުފާނު ކޮށްދެއްވި ހިދުމަތްތައް ހަނދާނަށް ގެންނެވުމަށް އެދިވަޑައިގެންފަ އެވެ.
