ރައީސް ޢަބްދުﷲ ޔާމީނަކީ ގަޓް ހުރި ބޭފުޅެއްނަމަ ރައްޔިތުންގެ ކިބައިން މައާފަށް އެދިވަޑައިގަންނަވާނެ ކަމަށް ރާއްޖޭގެ މަޝްހޫރު ދީނީ އިލްމުވެރިޔާ ޑރ. މުހައްމަދު އިޔާޒް ވިދާޅުވެއްޖެއެވެ.
ޑރ އިޔާޒް ކުރެއްވި ޓްވީޓެއްގައި ވިދާޅުވީ ރައީސް ޔާމީންގެ ވެރިކަމުގައި ވަރަށް ގިނަ ބަޔަކަށް ވަނީ ބޮޑެތި އަނިޔާތަކާއި ގެއްލުންތައް ލިބިފައި ކަމަށެވެ. ވީމާ ވެރިކަމުން ފައިބާ ވަޑައިގެންނެވުމުގެ ކުރިން ރައްޔިތުންގެ ކިބައިން މާފަށް އެދިވަޑައިގަތުން ވަރަށް ރަނގަޅު ކަމަކަށް ވާނެ ކަމަށެވެ.
މީގެ އިތުރުން ރައީސް ޔާމިންއަށް އިޝާރާތް ކުރައްވާ ޑރ އިޔާޒް ވިދާޅުވީ ގަޓް ހުރިނަމަ އެކަން (މާފަށް އެދުން) ކޮށްދެއްވުން އެދޭ ކަމަށެވެ.
Raës Yamën eve. Manikfänu ge verikamugai v gina bayakah vany v bodethi aniyäthakäi gellun thah libifa eve. Vëma verikamun faibä vadaigennevumuge kurin Rayyithun ge kibain mäfah edhivadaigathun vvv ragalhu kamakah väne eve. Manikfaanuge GUT huri nama ekan kohdhevvun edhemeve.
— Dr Mohamed Iyaz (@dr_iyaz) September 29, 2018
ޢަދާލަތު ޕާޓީގެ އިލްމުވެރިންގެ މަޖިލީހުގައި ހިމެނިވަޑައިގަންނަވާ ޑރ އިޔާޒަކީ ރައީސް ޔާމީނަށް ތާއީދު ނުކުރައްވާ ކަމަށް ވިދާޅުވި އިލްމުވެރިއެކެވެ. އަދި ޑރ އިޔާޒަކީ ރައީސް ޔާމީން ކުރައްވާ ކަންކަމަށް ދީނީގޮތުން ފާޑު ވިދާޅުވާ ދީނީ އިލްމުވެރިއެކެވެ.
