މާލެ ދެކުނު ފަރާތު ނެރުމައްޗަށް އެރި ލޯންޗެއްގެ ބައެއް ސާމާނު އޮޔާދާތީ އެއަށް ސަމާލުވުމަށް އެމްއެންޑީއެފުން އިލްތިމާސްކޮށްފިއެވެ.

އެމްއެންޑީއެފުން ބުނީ މާލެ ދެކުނު ފަރާތު ނެރުމައްޗަށް އެރި އައިމާ ކޮންސްޓްރަކްޝަންގެ ލޯންޗުގެ ބައެއް ސާމާނު އޮޔާދާ ކަމަށެވެ. އެހެންކަމުން އެސަރަހައްދުން ދަތުރުކުރާ ފަރާތްތަކުން އެކަމަށް ސަމާލުވުމަށް އިލްތިމާސްކުރާ ކަމަށެވެ.

އެމްއެންޑީއެފުން ބުނީ މާލެ ދެކުނު ފަރާތު ނެރުމައްޗަށް މިލޯންޗު އެރީ ހޮނިހިރު ދުވަހު ހެނދުނު 07:12 ހާއިރު ކަމަށެވެ. ނަމަވެސް މިހާދިސާގައި އެއްވެސް މީހަކަށް ޖިސްމާނީ ގެއްލުމެއް ލިބިފައި ނުވާ ނުވާ ކަމަށް ވެސް އެމްއެންޑީއެފުން މައުލޫމާތުދެއެވެ.

މާލެ ދެކުނު ފަރާތު ނެރުމައްޗަށް މީގެ ކުރިން ވެސް ލޯންޗުފަހަރާއި އޮޑިފަހަރު އަރާ ބޮޑެތި ގެއްލުންތަކެއް ވަނީ ލިބިފައެވެ. އަދި ކަނޑު ގަދަ ދުވަސްވަރު ދެކުނުފަރާތު ނެރު ބޭނުން ކުރުމަކީ ވެސް ނުރައްކާތެރި ކަމެއް ކަމަށް ވެސް ބައެއް އޮޑިވެރިން ބުނެއެވެ.