ރިޔާސީ އިންތިޚާބުގެ ކެމްޕެއިންގައި މިސްކިތް ބޭނުން ކުރެއްވި ކުރެއްވުމަކީ ބޮޑު ވެގެންވާ ނުބަޔަކަށް ހުޅުވިގެންދިޔަ ނުރައްކާތެރި ދޮރެއް ކަމަށް ޝެއިހް މުހައްމަދު އަނިލް ވިދާޅުވެއްޖެއެވެ.
ގދ. ތިނަދޫ އިސްލާމީ މަރުކަޒުގެ ހަރިންމަ ތެރޭގައި، ރައީސް އަބްދުﷲ ޔާމީންގެ ރަނިންމޭޓް ޑރ. މުހައްމަދު ޝަހީމް އަލީ ސައީދު ސިޔާސީ ހަރަކާތް ހިންގައި، ދެ ޖިންސްގެ މީހުންނާއެކު އެ މިސްކިތުގެ ސިޑިމަތީގައި ތިބެ ފޮޓޯ ނަގައި ހެދި މައްސަލައިގައި ގިނަ ބައެއްގެ ފާޑުކިޔަމުންދާ ދަނޑިވަޅެއްގައި, ޝެއިޚް އަނިލް ކުރެއްވި ޓްވީޓުގައި ވިދާޅުވީ ދީނާއި ސިޔާސަތު ވަކި ނުކުރެވޭނެ ކަމަށާއި އެހެނަސް ތިމާގެ ސިޔާސީ މަންފާއަށްޓަކާ މިސްކިތުގެ ހުރުމަތް ކަނޑާލުމަކީ ހިތާމަވެރި ހުތުރު އަމަލެއް ކަމަށެވެ.
riyaasee inthikhaabuge campaign gai miskiy beynun kurevvi kurevvumakee boduvegenvaa nubayakah hulhuvigen dhiya nurakkaatheri dhoreh. dheenaai siyaasathu vaki nukureveyne. ehenas thimaage siyaasee manfaa ah takai miskithuge hurumaiy kandaalumakee hithaamaveri, huthuru amaleh. pic.twitter.com/sRT0KIwucJ
— Aneel (@mohamed_aneel) August 17, 2018
ރައީސް އަބްދުﷲ ޔާމީނަށް ތާއިދުކޮށް، ތިނަދޫގެ މިސްކިތުގެ ހަރިންމަ ތެރޭގައި ސިޔާސީ ހަރަކާތް ހިންގާފައިވާއިރު، ސިޔާސީ ޕާޓީތަކުގެ ގާނޫނު ބުނާ ގޮތުން މިސްކިތްތަކުގައި ސިޔާސީ ހަރަކާތް ހިންގައިގެން ނުވާނެ އެވެ.
ސިޔާސީ ޕާޓީތަކުން ތަބާވާން ޖެހޭނެ ސުލޫކީ މިންގަނޑު ބަޔާން ކުރާ ސިޔާސީ ޕާޓީތަކުގެ ގާނޫނުގެ 44 ވަނަ (ބ)ގައި ބުނެފައި ވަނީ މިސްކިތްތަކާއި ސިއްހީ ހިދުމަތް ދިނުމަށް ކަނޑައަޅާފައިވާ ތަންތަނަކީ ސިޔާސީ ހަރަކާތްތައް ބާއްވާ ތަންތަން ކަމުގައި ހަދައިގެން ނުވާނެ ކަމަށެވެ.
