އިންޑިއާގެ ކެރެލާ ސްޓޭޓަށް ކުރަމުންދާ ވިއްސާރައިގައި ކޮޗިންގައި ފެންބޮޑުވުމާއި ގުޅިގެން ހާލުގައި ޖެހުނު ދިވެހިންނަށް އެހީ ފޯރު ކޮށްދެމުން ދާކަމަށް ޓްރިވިންޑްރަމްގައި ހުންނަ ރާއްޖޭގެ ކޮންސިއުލޭޓުން ބުނެފިއެވެ.
ކޮޗިންގެ އަމްރީތާ ހޮސްޕިޓަލް ކައިރީގައި ފެންބޮޑުވުމާއި ގުޅިގެން ހާލުގައި ޖެހުނު ދިވެހިން ޓްރިވިންޑްރަމްއަށް ގެންދިއުމަށް ދަނީ މަސައްކަތް ކުރަމުންނެވެ. އަދި ބައެއް ދިވެހިން ވަނީ ޓްރިވެންޑްރަމަށް ބަދަލުކޮށްފަ އެވެ.
The affected Maldivians are being evacuated to safer locations. Officials from the Consulate @MDVTRV are working tirelessly to provide assistance during this crisis and are taking much precautions as heavy rains are expected later today. @MDVForeign @MDVinIND #KeralaFloods. pic.twitter.com/x6Jx3RivmU
— MaldivesConsulateTRV (@MDVTRV) August 15, 2018
ކޮޗިންގްގެ ވިއްސާރައާ ގުޅިގެން އެ ސިޓީގެ އެއާޕޯޓް އޯގަސްޓް މަހު 26 އާ ހަމައަށް ބަންދު ކޮށްފައިވާއިރު އަމްރީތާ ހޮސްޕިޓަލާއި އެ ސިޓީގެ ގިނަ ހޮސްޕިޓަލްތަކުގެ ޚިދުމަތް ވަނީ މެދު ކެނޑިފައެވެ.
ވިއްސާރާއިގެ ޓްރިވިންޑްރަމްގައި ހާލުގައި ޖެހުނު ދިވެހިނަގެ ތެރެއިން 24 އާއިލާ މިވަގުތު ވެސް ދަނީ ރައްކާތެރި ހިސާބުތަކަށް ބަދަލު ކުރުމުގެ މަސައްކަތް ކުރަމުންކަމަށް ރާއްޖޭގެ ފޮރިން މިނިސްޓްރީން ވަނީ ބުރާސްފަތި ދުވަހުގެ ރޭ ބުނެފައެވެ.
Due to current flooding situation resulting from heavy rain in #Cochin India, Cochin Airport will remain closed till 26 Aug. ⁰@MDVTRV is currently carrying out rescue efforts to safely transport approx 24 stranded Maldivian families (abt 100 ppl) from Cochin to Trivandrum asap.
— MFA Maldives (@MDVForeign) August 16, 2018
އިންޑިއާގެ ކެރެލާ ސްޓޭޓަށް މިހާރު ކުރަމުން އަންނަ ވިއްސާރައިގެ ސަބަބުން 14 ޑިސްޓްރިކެޓެއްގައި ވަނީ ރެޑް އެލާޓް ނެރެފައެވެ. ކުރިއަށް އޮތް ދުވަސްތަކުގައި ވެސް ވާރޭ ވެހޭނެކަމަށް ލަފާކުރެވޭއިރު ވިއްސާރައިގެ ސަބަބުން މަރުވި މީހުންގެ އަދަދު ވަނީ ގާތްގަނޑަކަށް 100 އަށް އަރާފައެވެ. ވިއްސާރައިގެ ސަބަބުން ހާލުގައި ޖެހިފައިވާ މީހުންގެ އަދަދު މިހާރު ބައި މިލިއަނަށް ވުރެ ގިނަ އެވެ.
