ރައީސް އަބްދުﷲ ޔާމީން ތ. އަތޮޅަށް ކުރައްވަމުންގެންދަވާ ކެމްޕޭން ދަތުރުފުޅުގެ ތެރެއިން، އެ އަތޮޅު މަޑިފުށްޓައް ވަޑައިގަތުން މާދަމައަށް (ބުދަ ދުވަހަށް) ފަސްކުރައްވައިފި އެވެ.
ރައީސް އޮފީހުގެ ތަރުޖަމާން އިބްރާހިމް މުއާޒް އަލީ ވިދާޅުވީ ރައީސްގެ ކޮޅުމަޑުލު ދަތުރުފުޅުގައި މިއަދު (އަންގާރަ ދުވަހު) ހަވީރު ވަޑައިގެންނެވުމަށް ހަމަޖެހިފައިވާ މަޑިފުށްޓައް ވަޑައިގަތުން މޫސުން ގޯސްވުމުގެ ސަބަބުން މިހާރު ވަނީ މާދަމާއަށް ފަސްކުރެވިފައިކަމަށެވެ.
"Raees ge #Kolhumadulu dhathurufulhugai miadhu haveeru vadaigennevumah hamajehifaivaa Madifuttah vadaigathun, moosun goasvumuge sababun mihaaru vany maadhamaa ah fas kurevifai" -im
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) August 14, 2018
ރައީސް ޔާމީން ތ. އަތޮޅަށް ފެއްޓެވީ 3 ދުވަހުގެ ދަތުރުފުޅެކެވެ. އިއްޔެ އެމަނިކުފާނު ފެއްޓެވި ދަތުރުފުޅު މާދަމާއަށް ނިންމާލުމަށް ހަމަޖެހިފައިވީނަމަވެސް މޫސުން ގޯސްވުމުގެ ސަބަބުން ގެނެވުނު ބަދަލާއެކު ދަތުރުފުޅު ދިގުވެގެންދާނެ އެވެ.
ރައީސްގެ ދަތުރުފުޅުގެ ތެރެއިން މިއަދު ވަނީ ތ. ވިލުފުށި އަދި ބުރުނިއަށް ވަޑައިގެންފަ އެވެ. އިއްޔެ އެ މަނިކުފާނު ވަނީ ކަނޑޫދޫގެ އިތުރުން ވޭމަންޑޫ އަދި ތިމަރަފުށްޓައް ވަޑައިގެންފަ އެވެ. އެއިން ކޮންމެ ރަށަކަށްވެސް ވަޑައިގެން ރައީސް ގެންދަވަނީ ސަރުކާރުން ނިންމާފައިވާ ހުރިހާ ޕްރޮޖެކްޓްތަކެއް
ގެ ނިމުން ރަސްމީކޮށް ފާހަގަކުރައްވަމުންނެވެ.
