ގުޅިފައިވާ ޕާޓީތަކުގެ ވެރިކަމެއްގައި ޒުވާނުންގެ ބޭނުންތަކަށާއި ކަންބޮޑުވުންތަކަށް އިޖާބަދޭނެކަމަށް އެމްޑީޕީގެ ލީޑަރު އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ބައިނަލްއަޤްވާމީ ގޮތުން ފާހަގަކުރާ ޒުވާނުންގެ ދުވަހުގެ މުނާސަބަތުގައި ރައީސް ނަޝީދު ކުރެއްވި ޓްވީޓެއްގައި ވިދާޅުވީ ޑިމޮކްރަސީ ނުރައްކަލަށް ހުށަހެޅޭ ކޮންމެ ފަހަރަކު އެންމެ ފުރަތަމަ ނިކުންނަނީ ޒުވާނުންކަމަށާއި، ޑިމޮކްރަސީ ސަލާމަތްކުރަނީ ޒުވާނުންގެ މަސައްކަތުންކަމަށެވެ. ރައީސް ނަޝީދު ވަނީ ޒުވާނުންގެ ދުވަހުގެ ތަހުނިޔާ ޒުވާނުންނަށް ފޮނުއްވާފައެވެ.
Wishing everyone a happy #InternationalYouthDay. Whenever democracy is threatened, young people are always the first to come out in full force to defend it. I assure you that the policies of our coalition-led government will reflect your needs and address your concerns.
— Mohamed Nasheed (@MohamedNasheed) August 12, 2018
ރައީސް ނަޝީދު މިފަދައިން ވިދާޅުވިއިރު އެމްޑީޕީ އިސްވެ އޮވެ އެކުލަވާލާފައިވާ އިދިކޮޅު އިއްތިޙާދުގެ މެނިފެސްޓޯގައި ޒުވާނުންނަށް ގިނަ ކަންތައްތަކެއް ހުށަހަޅާފައިވެއެވެ. އަދި ވެރިކަންކުރާ ޕާޓީ ޕީޕީއެމްއިންވެސް ޒުވާނުންނަށް ގިނަ ކަންތައްތަކެއް ކޮށްދެއްވާނެކަމަށް ދަނީ ވައުދުވަމުންނެވެ.
މިއަހަރުގެ ރިޔާސީ އިންތިޚާބުގައިވެސް ވޯޓުލުމުގެ ހައްޤުލިބިގެންވާ މީހުންގެ ބޮޑު އިންސައްތައެއް ހިއްސާކުރަނީ ޒުވާނުންނެވެ.
