މިވަގުތު ޖަލުގައި ބަންދުކޮށްފައި ހުރި ކުރީގެ ރައީސް މައުމޫން ޢަބްދުލްޤައްޔޫމް ސަލާމަތް ކުރެއްވުމަށް ކުރެއްވެންހުރި ކޮންމެ ކަމެއް ކުރައްވާނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް މައުމޫން ޖަލުގައި ހުންނަވާތާ 180 ދުވަސްވުމާއި ގުޅިގެން ރައީސް ނަޝީދު ކުރެއްވި ޓްވީޓެއްގައި ވިދާޅުވީ ރައީސް މައުމޫން ނުހައްގުން ޖަލުގައި ހައްޔަރުކޮށްފައި ހުންނަވާތާ މިއަދަށް މިވީ 6 މަސް ކަމަށެވެ.
ރައީސް ނަޝީދު ވިދާޅުވީ "އެމަނިކުފާނު މިނިވަން ކުރުމަށް ކުރެވެންހުރި ހުރިހާ މަސައްކަތެއް އަޅުގަނޑުމެން އިރާދަކުރެއްވިއްޔާ ކުރާނަން" ކަމަށެވެ.
Raees @maumoonagayoom nuhaqqun jaluga hayyaru koffa hunnavaathaa miadhah mivee 6 mas. E manikfaanu minivan kurumah kureven huri hurihaa masakkatheh alhugan’dumen iraadhakureviyyaa kuraanan
— Mohamed Nasheed (@MohamedNasheed) August 5, 2018
ރައީސް އަބްދުﷲ ޔާމީނުގެ ވެރިކަން ވައްޓާލަން އުޅުނު ކަމުގެ ތުހުމަތުގައި ރައީސް މައުމޫން ހައްޔަރުކޮށްފައި ވަނީ މިދިޔަ ފެބްރުއަރީ މަހު، ސިޔާސީ ލީޑަރުން މިނިވަން ކުރުމަށް ސުޕްރީމް ކޯޓުން ނެރުނު އަމުރަށް ފަހު އެވެ. ފެބްރުއަރީ މަހުގެ ފަސް ވަނަ ދުވަހުގެރޭ ކުއްލި ނުރައްކަލުގެ ހާލަތު އިއުލާނުކުރުމަށްފަހު އެމަނިކުފާނު ހައްޔަރުކުރިގޮތަށް އެމަނިކުފާނު ބަހައްޓާފައިވަނީ ޖަލުގައެވެ.
